Դդմիկով պահածո խավիարը վաղուց դարձել է մեր սեղանների ավանդական նախուտեստը։
Առաջարկում եմ պատրաստել խավիար այս բաղադրատոմսով, ստացվում է թանձր, բուրավետ, համեղ նարնջագույն։
Դդմիկով պահածո. Անհրաժեշտ բաղադրիչները
_Դդմիկ 1,5 կգ
_Սոխ 4 հատ
_Գազար 3 հատ
_Սխտոր 5 պճեղ
_Բուսական յուղ 125 գր
_Շաքարավազ 50 գր
_Աղ 25 գր
_Տոմատի մածուկ 150 գր
_Պղպեղ՝ ըստ ճաշակի
_Քացախ 9% 25 մլ
Դդմիկով պահածո. Պատրաստման եղանակը
_Դդմիկի քաշը տրվում է արդեն կեղևահան վիճակում:
_Քերել գազարը խոշոր քերիչով, սոխը և դդմիկը կտրատել խորանարդներով:
_Նախ մեծ կաթսայի մեջ բուսայուղով տապակել սոխն ու գազարը, ապա եփել մինչև փափկի։
_Բանջարեղենին ավելացնել դդմիկը, աղն ու շաքարավազը, խառնել և եփել մարմանդ կրակի վրա 30 րոպե՝ պարբերաբար խառնելով։
_Ավելացնել սև պղպեղ՝ ըստ ճաշակի և տոմատի մածուկը, խառնել և եփել ևս 10 րոպե, չմոռանաք խառնել։
_Լցնել քացախը, խառնել և եփել 2-3 րոպե։
_Այժմ փորձեք համը և անհրաժեշտության դեպքում ավելացրեք աղ, շաքարավազ կամ քացախ։
_Զանգվածը հարել սուզվող բլենդերով և նորից հասցնել եռման աստիճանի, եփել 2 — 3 րոպե։
_Խավիարը լցնել ստերիլիզացված բանկաների մեջ և փակել ստերիլիզացված կափարիչներով:
_Բանկաները շրջել և ծածկել սրբիչով թողնել, մինչև սառչի։
_Պահել նկուղում կամ պատշգամբում։
Խավիարը, ստացվում է թանձր, շատ բուրավետ, ախորժելի։ Եթե ձեզ դուր է գալիս դասական տարբերակը, ապա բանջարեղենը շոգեխաշեք չզտված բուսական յուղի մեջ, որպեսզի խավիարն ունենա արևածաղկի ձեթի բույր։
Կարող եք նաև մի փունջ մաղադանոս ավելացնել։
Բարի ախորժակ:
