Պատրաստենք Դդմիկով ռուլետներ, որոնք լցոնված են պանրով և սխտորով։
Դուք կարող եք փորձել այլ միջուկներով, գլխավորն այն է, որ մթերքները համակցվեն դդմիկի հետ:
Դդմիկով ռուլետներ. Անհրաժեշտ բաղադրիչները
_Դդմիկ 2 հատ
_Ձու 3 հատ
_Աղ, համեմունքներ, անուշաբույր կանաչիներ՝ ըստ ճաշակի
_Պանիր 100 գր
_Մայոնեզ 2 ճաշի գդալ
_Լոլիկ 2 հատ
_Սխտոր 1-2 պճեղ
_Կանաչիներ՝ ըստ ճաշակի
_Ալյուր՝ թաթախելու համար
Դդմիկով ռուլետներ. Պատրաստման եղանակը
_Ավելի լավ է երիտասարդ դդմիկ վերցնել, որպեսզի լավ ոլորվեն ու չպատռվեն։
_Կտրել դդմիկը երկարությամբ՝ շերտերով:
_Ձվերը խառնել աղի, համեմունքների, պղպեղի հետ և հարել խառնիչով։
_Յուրաքանչյուր շերտ թաթախել ալյուրի, հետո ձվի զանգվածի, նորից ալյուրի և վերջում՝ կրկին ձվային զանգվածի մեջ։
_Տապակի մեջ տաք բուսայուղով տապակել մինչև ոսկե դարչնագույնը:
_Դնել թղթե սրբիչների վրա՝ ավելորդ յուղը հեռացնելու համար։
_Միջուկի համար քերել պանիրը միջին քերիչով և խառնել մայոնեզի հետ։
_Լոլիկը կտրատել խորանարդներով, խառնել սամիթի, մաղադանոսի ու մանր կտրատած սխտորի հետ։
_Յուրաքանչյուր դդմիկի շերտի վրա քսել պանրի զանգված, մի եզրին գդալով դնել սխտորով, կանաչիներով լոլիկը և փաթաթել:
Բավականին տոնական ուտեստ է ստացվում, որը պատրաստվում է պարզ և արագ։ Միջուկին կարելի է ավելացնել նաև խաշած, քերած ձու, անուշաբույր կանաչիներ և այլն։
Բարի ախորժակ:
Տեսանյութ
Շատ շքեղ լցոնած սմբուկ
