Դդմիկով և շամպինիոնով աղցան. Թեթև գայթակղիչ պահածո

Անցյալ տարի փորձեցի ձմռան համար դդմիկով և շամպինիոնով աղցան պատրաստել։ Բաղադրատոմսի բաղադրիչների համադրությունն ինձ զարմացրեց, ուստի ես փորձարկելու համար միայն մի քանի բանկա փակեցի:

Այս աղցանը ձեզ համար կբացի ծանոթ բաղադրիչների նոր համադրություններ: Ինքնին դդմիկը ունի բավականին մեղմ և չարտահայտված համ, ինչպես սունկը։ Բայց համեմունքները և մարինադը փոխում են ամեն ինչ:

Դդմիկով և շամպինիոնով աղցան. Անհրաժեշտ բաղադրիչները

_Շամպինիոններ 250 գր

_Դդմիկ 200 գր

_Գազար 1 հատ

_Մանանեխ 1 թեյի գդալ

_Սամիթ՝ ըստ ճաշակի

_Ռեհան՝ ըստ ճաշակի

_Շաքարավազ 0,5 ճաշի գդալ

_Աղ 1 ճաշի գդալ

_Սև պղպեղ (աղացած)՝ ըստ ճաշակի

_Քացախ 2 ճաշի գդալ

_Արևածաղկի ձեթ 1 ճաշի գդալ

_Ջուր 5 ճաշի գդալ

Դդմիկով և շամպինիոնով աղցան. Պատրաստման եղանակը

_Սունկը լավ լվանալ, լցնել ջրի մեջ, ավելացնել 0,5 ճաշի գդալ աղը:

_Հասցնել եռման աստիճանի և եփել ևս 15 րոպե։

_Լվանալ բանջարեղենը, դդմիկը կտրատել կիսաօղակներով, գազարը՝ օղակներով:

_Կտրատել սամիթն ու ռեհանը, բանջարեղենին ավելացնել մնացած աղի, պղպեղի և մանանեխի հետ միասին:

_Լցնել կտրատած սունկը, ավելացնել ջուրը, արևածաղկի ձեթը և քացախը։

_Բաղադրիչները լավ խառնել և թողնել 20 րոպե:

_Աղցանը մարինադի հետ միասին լցնել բանկայի մեջ։

_Ծածկել կափարիչով և սրբիչ փռած կաթսայի մեջ, 15-20 րոպե մանրէազերծել և փակել կափարիչները:

Նախուտեստը հիանալի համադրվում է մսի, ձկան և մակարոնեղենի հետ։ Եթե ​​թարմ ռեհան չկա, կարող եք օգտագործել չորացրած ռեհան։ Բաղադրիչների քանակը հաշվարկած է 1 լիտրանոց բանկայի համար։

Բարի ախորժակ:

Տեսանյութ

Կորեական աղցան դդմիկով և գազարով