Եգիպտացորենի հաց առանց խմորիչի. Սա անպայման փորձել է պետք

Պատրաստենք եգիպտացորենի հաց այս բաղադրատոմսով, ըստ որի հաց թխելն ավելի դժվար չի լինի, քան սովորական կարկանդակը։

Ոչ մի խնդիր չկա՝ պետք է խմորի բաղադրիչները խառնել և լցնել կաղապարի մեջ։ Ավելի արագ չես պատկերացնի։ Չնայած պատրաստման պարզությանը, հացը անհավանական ախորժելի է ստացվում։

Եգիպտացորենի հաց թխելու համար ամենալավն է ծանր թուջե տապակը կամ հաստ պատերով կաթսան: Նման տարաները հավասարապես տաքանում են և ավելի երկար են պահում ջերմությունը։ Եթե ​​հարմար կաղապար չեք գտնում, կարող եք վերցնել սովորական ձևաման և ծածկել 2 շերտ յուղաթղթով։

Եգիպտացորենի հաց առանց խմորիչի. Բաղադրիչներ

_Ցորենի ալյուր 1 բաժակ

_Եգիպտացորենի ալյուր 1 բաժակ

_Ձու 1 հատ

_Մածուն 1 բաժակ

_Արևածաղկի ձեթ 60 մլ

_Փխրեցուցիչ 1 թեյի գդալ

_Աղ 1 թեյի գդալ

_Շաքարավազ 2 ճաշի գդալ

 

Եգիպտացորենի հաց առանց խմորիչի. Պատրաստման եղանակը

_Խորը ամանի մեջ խառնել բոլոր չոր բաղադրիչները՝ երկու տեսակի ալյուրը, շաքարավազը, աղը և փխրեցուցիչը։

_Առանձին տարայի մեջ բոլոր հեղուկները թեթևակի հարում ենք՝ նախ ձուն մածունով, ապա լցնել ձեթը և խառնել։

_Հեղուկ խառնուրդը լցնել չորի մեջ։ Գդալով շաղախել կիսաջրիկ կպչուն խմոր։

_Ձևամանը առատորեն յուղեք բուսական յուղով։ Խմորը լցնել և հավասարաչափ բաշխել մեջը։ Մակերևույթի վրա մի քանի կամայական կամ զիգզագ (ձեր ճաշակով) ակոսներ անել։

_Ջեռոցը տաքացնել 180 աստիճանով և թխել հացը 30 րոպե։

Անհամեմատելի հաճույք է հարազատներին սեփական ձեռքով թխած հացով հյուրասիրելը։
Հավանաբար, մեր բաղադրատոմսի շնորհիվ հաց թխելը լավ ավանդույթ դառնա ձեր տանը։ Մենք միայն ուրախ կլինենք:

Բարի ախորժակ:

Տեսանյութ

Ֆիթնես հաց