Թարմ վարունգը մեր ընտանիքում այնքան էլ ընդունված չէ, բայց թույլ աղած վարունգ սիրում են բոլորը: Ձմռան համար ես փորձում եմ հնարավորինս շատ պահածոյացնել: Բայց նույնիսկ ամռանը ես հյուրասիրում եմ ընտանիքիս խրթխրթան համեղ խորտիկով: Իմ սիրած բաղադրատոմսը թեթև աղաջրում թույլ աղած վարունգն է:
Թթու դնելու գործընթացը տևում է 15 րոպե: Պետք է միայն ջուրը եռացնել, բաղադրիչները դնել բանկայի մեջ և լցնել աղաջրով: Եվ ընդամենը մեկ օրը բավարար է բուրավետ և համեղ վարունգ ստանալու համար:
Թթվեցման այս մեթոդի համար ես ընտրում եմ ոչ շատ մեծ պտուղներ:
Ներքոնշյալ բաղադրությունը անհրաժեշտ է 3 լիտրանոց բանկայի համար:
Թեթև աղած վարունգ տաք աղաջրով. Անհրաժեշտ բաղադրիչները
_Վարունգ 1,5 կգ
_Ջուր 2 լ
_Աղ 2 ճաշի գդալ
_Շաքարավազ 1 ճաշի գդալ
_Ծովաբողկի տերև 1-2 հատ
_Հաղարջի տերև 3-4 հատ
_Դափնու տերև 2 հատ
_Սև պղպեղ 6-8 հատ
_Բուրավետ պղպեղ 2-3 հատ
_Սամիթ 20 գ
_Սխտոր` 4-5 պճեղ
Թեթև աղած վարունգ տաք աղաջրով. Պատրաստման եղանակը
_Պատրաստել բոլոր մթերքները: Լվանալ կանաչիները և վարունգները, կտրեք վերջիններիս պոչերը, մաքրել սխտորը:
_Ջուրը եռացնել և լուծել դրա մեջ 2 գդալ աղ և 1 գդալ շաքար: Վարունգները կիպ տեղադրել երեք լիտրանոց բանկայի մեջ, պարբերաբար ավելացնելով կանաչիներ և սխտոր: Վերևում լցնել պղպեղը և դափնու տերևները:
_Լցնել եռացող աղաջուրը վարունգի վրա և ծածկել այն: Թող մնա սենյակային ջերմաստիճանում 24 ժամ:
_Պատրաստի վարունգը դնել սառնարանում:
Այսքան կարճ ժամանակահատվածում դուք կստանաք հիանալի խորտիկ խաշած կարտոֆիլի կամ թունդ խմիչքների համար: Խրթխրթան վարունգը մի ակնթարթում անհետանում է սեղանից, այնպես որ ստիպված կլինեք ավելի հաճախ թարմացնել ափսեն: Այնպես, որ կիսվեք այս բաղադրատոմսով, բարի գործ արած կլինեք:
Թեթև աղած վարունգը պատրաստ է:
Բարի ախորժակ: