Այս Թեթև աղցանը 3 տեսակի կաղամբից և նուրբ սոուսով՝ դարձավ իմ փրկությունը:
Վերջերս նստակյաց կյանքից բավական գիրացել էի, պետք էր մի բան մտածել: Այս աղցանի օգնությամբ մարմինս շատ արագ վերադարձրեցի նախկին վիճակին։ Ավելորդ կիլոգրամները վերացան ընդամենը երկու ամսում, բայց այս աղցանի հանդեպ սերը մնաց իմ սրտում։
Այսպիսով, ես կիսում եմ բաղադրատոմսը մեր ընթերցողների հետ: Հուսով եմ, որ դուք նույնպես կվայելեք այս թեթև, վիտամինային և շատ համեղ ուտեստը։
Թեթև աղցան 3 տեսակի կաղամբից. Անհրաժեշտ բաղադրիչները
_Չինական կաղամբ 0,5 կգ
_Սպիտակ կաղամբ 0,5 կգ
_Ծաղկակաղամբ 0,5 կգ
_Սպանախ 1 փունջ
_Սամիթ 1 փունջ
_Կիտրոնի հյութ 1 ճաշի գդալ
_Աղ 1 թեյի գդալ
_Թթվասեր 150 մլ
_Մանանեխ 1 թեյի գդալ
Թեթև աղցան 3 տեսակի կաղամբից. Պատրաստման եղանակը
_Առաջին քայլը սպիտակ կաղամբը հոսող ջրի տակ լվանալն է։ Այնուհետև վերին տերևները հանել, հարմարության համար երկու մասի բաժանել և սուր դանակով մանր կտրատել։
_Կտրատած սպիտակ կաղամբը ցողել մեկ ճաշի գդալ կիտրոնի հյութով։ Մի պտղունց աղ անել, խառնել և ձեռքերով տրորել, որպեսզի կաղամբը դառնա փափուկ և հյութալի։
_Դրանից հետո անցնում ենք Պեկինյան կաղամբին։ Լվանալ, հանել վերին տերևները և երկար շերտերով կտրատել:
_Ծաղկակաղամբը լվանալ մաքուր ջրով, կտրել մութ տեղերը։ Այնուհետև վերցնել սուր դանակ և յուրաքանչյուր ծաղկաբույլը կտրատել բարակ շերտերով։
_Այժմ երեք տեսակի կաղամբը տեղափոխել խորը տարայի մեջ։ Ավելացնել նաև մանր կտրատած թարմ սպանախն ու սամիթը։ Ցանկության դեպքում կարող եք նաև այլ կանաչիներ ավելացնել:
_Սոուսը պատրաստելու համար թթվասերը խառնել մանանեխի և աղի հետ։ Այժմ սոուսն ավելացնել բանջարեղենին և ամեն ինչ լավ խառնել։
Համեղ և շատ առողջարար Թեթև աղցանը պատրաստ է։ Ես սովորաբար դրա վրա քնջութի սերմեր եմ ցանում, կամ լցնում տերիյակի սոուս։ Խորհուրդ եմ տալիս փորձել։
Բարի ախորժակ!
Տեսանյութ
Թարմ կաղամբով աղցան
