Թեթև աղցան. Մատչելի նուրբ և համեղ ուտեստ

Գերազանց Թեթև աղցանի բաղադրատոմս՝ պեկինյան կաղամբով, հավի մսով և կանաչիներով, թթու վարունգով:

Մատչելի մթերքներով հաճելի տարբերակ ճաշի և ընթրիքի համար:

Թեթև աղցան. Անհրաժեշտ բաղադրիչները

_Հավի բուդ 1 հատ

_Պեկինյան կաղամբ 1 հատ

_Թթու վարունգ 3 հատ

_Պանիր 150 գր

_Կանաչ սոխ, կանաչի՝ ըստ ճաշակի

_Աղ, պղպեղ, մայոնեզ՝ ըստ ճաշակի

Թեթև աղցան. Պատրաստման եղանակը

_Հավի բուդը կամ կրծքամիսը համեմունքներով ջրի մեջ եփել, որպեսզի միսը վառ համ ունենա, թողնել սառչի և մանր կտրատել:

_Մի փունջ կանաչ սոխ և սամիթ կամ մաղադանոս մանր կտրատել:

_Կաղամբը մանր կտրատել և խառնել մսի ու կանաչիների հետ։

_Վարունգը կտրատել խորանարդներով և խառնել մնացած աղցանի հետ։

_Քերել պանիրը խոշոր քերիչով կամ նույնպես կտրատել փոքր խորանարդներով։

_Խառնել և աղցանի վրա լցնել մայոնեզ, փորձել և անհրաժեշտության դեպքում աղ, պղպեղ անել։

_Աղցանը կարելի է դնել սառնարանը, թողնել 40 րոպե սառչի և մատուցել։

Աղցանը լավ համադրվում է մսով և ձկնային տարբեր նախուտեստների, խավարտների հետ։ Ամեն ինչ պատրաստվում է շատ արագ, կարևորն այն է, որ միսը պատրաստ լինի, այնպես որ մի քանի րոպեում կարող եք այն պատրաստել խնջույքի համար։

Եփած միսը կարելի է փոխարինել խոզապուխտով կամ ապխտած հավի մսով, որն էլ ավելի վառ ու հետաքրքիր կդարձնի աղցանի համն ու բույրը։

Բարի ախորժակ:

Տեսանյութ

Թարմ կաղամբով աղցան