Հավի կրծքամսով և բրնձով թեթև ապուրը ստացվում է շատ հարուստ համով և հագեցնող: Այս ուտեստն ամբողջ ընտանիքին կհավաքի սեղանի շուրջ: Նույնիսկ նախքան այն պատրաստ լինելն ախորժելի բույրը տարածվում է ամբողջ տնով մեկ:
Հավի ապուրը բավականին ցածր կալորիականություն ունի: Այն լիովին կարող է համարվել դիետիկ ուտեստ: Ապուրը պարունակում է մեծ քանակությամբ սպիտակուցներ և համեմատաբար քիչ ածխաջրեր, որի շնորհիվ այն հագեցնող և թեթև է ստացվում:
Թեթև ապուր. Անհրաժեշտ բաղադրիչները
_Հավի կրծքամիս 300 գ
_Ձու 2 հատ
_Ջուր 3 լ
_Կիտրոն 1 հատ
_Բրինձ 100 գ
Թեթև ապուր. Պատրաստման եղանակը
_Հավը կտրատել փոքր խորանարդներով, լցնել կաթսայի մեջ, ծածկել ջրով և եփել մինչև փափկի՝ մոտ 30 րոպե: Միսը հանել կաթսայից:
_Ձվերը լավ հարել, ավելացնել կիտրոնի հյութը և 100 մլ արգանակ:
_Մի քանի անգամ լվանալ բրինձը, լցնել կաթսայում մնացած արգանակի վրա և դնել եփվելու:
_Երբ բրինձը փափկի, թուլացնել կրակը և բարակ հոսքով լցնել ձվի խառնուրդը կաթսայի մեջ: Լավ հարել և առանց եռման հասցնելու՝ անջատել:
Մաղադանոսի կամ սամիթի ճյուղը կզարդարի ապուրը և կլրացնի ուտեստի համը:
Լավ է հավի ապուրը մատուցել չորահացով, բայց հացի կտորներով շատ ավելի համեղ կլինի:
Բաղադրատոմսը օգտակար կլինի այս օրերին, խորհուրդ ենք տալիս պահպանել այն, այնպես որ միշտ ձեռքի տակ լինի:
Թեթև ապուրը պատրաստ է: Կերեք և նիհարեք առանց հյուծվելու:
Բարի ախորժակ:
Տեսանյութ
Հավի մսով ապուր
