Թեթև պահքի աղցան. Ցիտրուսային անուշ բույրով նախուտեստ

Թեթև պահքի աղցան պատրաստեք թարմ բանջարեղենով՝ գազարով և ճակնդեղով: Այս աղցանի յուրահատկությունն այն է, որ ավելացվում է նարնջի գրանիտե:

Թեթև պահքի աղցան. Անհրաժեշտ բաղադրիչները

_Ճակնդեղ 1 հատ

_Գազար 1 հատ

_Ձիթապտղի յուղ 3 ճաշի գդալ

_Նարինջ 1/2 հատ

_Քնջութ 1/2 թեյի գդալ

_Աղ՝ ըստ ճաշակի

_Աղացած սև պղպեղ

_Լավաշ փոքր կտոր

Թեթև պահքի աղցան. Պատրաստման եղանակը

_Նարինջի կեսը քամել, հյութը լցնել պլաստմասե տարայի մեջ և դնել սառցարանում 3,5 ժամ։

_Լավաշը կտրատել 3 x 3 սմ չափսի փոքր քառակուսիների, դրանց քսել ձիթապտղի յուղ, ցանել քնջութի սերմեր և թխել 5-6 րոպե 180 աստիճան ջերմաստիճանում։

_Մաքրել գազարն ու ճակնդեղը, խոշոր քերիչով անցկացնել տարբեր ափսեների մեջ, ցողել ձիթապտղի յուղով, համեմել աղով և պղպեղով:

_Գազարն ու ճակնդեղը լցնել աղցանի մատուցման ամանների մեջ՝ առանց խառնելու:

_Նարնջի գրանիտե պատրաստելու համար սառնարանում պնդացած նարնջի հյութը մանր կտորների բաժանել։

_Ամանի մեջ լցված բանջարեղենին ավելացնել նարնջի գրանիտեն և զարդարել տապակած լավաշի կտորներով։

Բարի ախորժակ:

Տեսանյութ

7 աղցան պահքի համար