Թթու դրած սմբուկներ գազարով. Նման սմբուկները կարող են պահվել մինչև վեց ամիս, բացարձակապես առանց որևէ պահածոյացման:
Թթու դրած սմբուկներ գազարով մատուցեք և ձեր սեղանին կհայտնվի անսովոր համեղ ու հյութալի խորտիկ: Չափավոր թթու, մի փոքր կծու, զարմանալի բույրով և համով: Անպայման պատրաստեք:
Թթու դրած սմբուկներ գազարով. Անհրաժեշտ բաղադրիչներ
_Սմբուկ 2 կգ
_Գազար 500 գ
_Քաղցր պղպեղ 1-2 հատ
_Կծու պղպեղ 1-3 հատ
_Սխտոր 2 գլուխ
_Մաղադանոս
_Նեխուր
_Ռեհան
_Համեմ
Մարինադ
_Ջուր 1 լ
_Աղ 70 գ
_Դափնու տերև 2 հատ
_Սև պղպեղ մի քանի հատ
Աղաջուր
_Ջուր 1 լ
_Աղ 30 գ
Թթու դրած սմբուկներ գազարով. Պատրաստման եղանակը, քայլ առ քայլ
_Նախ, պատրաստենք մարինադը, դրա համար ջուրը լցնել կաթսայի մեջ, ավելացնել դափնու տերև, պղպեղի հատիկներ, աղ, ամեն ինչ մանրակրկիտ խառնել և դնել կրակին: Եռացնել 2-3 րոպե, հանել կրակից և թողնել, որ սառչի:
_Առանձին կաթսայի մեջ լցնել 3 լիտր ջուր, յուրաքանչյուր լիտր ջրի համար ավելացնել 30 գրամ աղ, այսինքն` ընդհանուր 90 գրամ: Մանրակրկիտ խառնեք ամեն ինչ և եռացնել աղաջուրը:
_Հեռացնել սմբուկի պոչը և յուրաքանչյուր սմբուկի մեջտեղում անել երկայնական կտրվածք՝ մի քիչ եզրին չհասնելով: Սմբուկները պետք է նման լինեն նավակների: Այսպես պատրաստել բոլոր սմբուկները:
_Սմբուկները լցնել կաթսայի մեջ և 4-5 րոպե պահել եռացրած ջրի մեջ: Ընթացքում դրանք մի քանի անգամ շրջեք: Հետո հանել քամոցով կամ մաղով, սմբուկների վրա ափսե դնել և դրա վրա` ինչ-որ ծանրոց: Թողեք, որ ամբողջովին սառչեն:
_Այդ ընթացքում պետք է զբաղվել լցոնով: Դրա համար գազարը քերել խոշոր քերիչով, սխտորը ճզմում մամլիչով, ապա կտրատել քաղցր պղպեղը բարակ շերտերով, նախապես հեռացնելով ցողունը և սերմերը:
_Այժմ կտրատել կանաչիները հնարավորինս մանր: Բոլոր մանրացված բաղադրիչները մանրակրկիտ խառնել: Որքան հնարավոր է ամուր լցոնել սմբուկները, պատրաստի սմբուկները շարել ցանկացած հարմար ամանի մեջ` կտրվածքը վերև:
_Պատրաստի սմբուկների վրա լցնել սառած մարինադ, վերևում ծանրոց դնել և թողնել 5-7 օր:
_Հետո ծանրոցը հանել, ծածկել կափարիչով և դնել սառը տեղում:
_Կարող եք նաև 5-7 օր անց մարինադը քամել կաթսայի մեջ, եռացնել 5 րոպե, պատրաստի սմբուկները շարել բանկաների մեջ, վրան լցնել եռացած մարինադը և կաթսայի մեջ մանրէազերծել` ջրի եռման պահից սկսած 15 րոպե:
_Այժմ կափարիչներով փակել բանկաները և փաթաթել դրանք, թողնել մինչև սառչեն: Այսպես դադարեցվում է խմորման գործընթացը:
_Երրորդ տարբերակը՝ լավ թթվելուց հետո, ամբողջովին չորացնել աղաջուրը, սմբուկները չորացնել թղթե սրբիչով, թաթախել բուսայուղի մեջ, դնել մաքուր բանկաների մեջ և ավելացնել յուղ այնքան, որ դրանք ամբողջությամբ յուղով ծածկված լինեն:
_Բանկաները փակել նախապես եռացրած կափարիչներով, ստերիլիզացման կարիք չկա: Պահել զով տեղում, կարելի է նաև սենյակային ջերմաստիճանում:
Եվ վերջապես պահպանման չորրորդ եղանակը` պատրաստի սմբուկները փաթեթավորել տոպրակների մեջ, յուրաքանչյուրի մեջ մի քանի կտոր, և դրվում են սառնարանում:
Թթու դրած սմբուկներ գազարով պատրաստ են:
Բարի ախորժակ:
