Այս պահածոյացված Թթու վարունգի բաղադրատոմսը շատ պարզ է:
Ամեն ինչ արվում է շատ արագ, բայց արդյունքը ձեզ անպայման դուր կգա: Նման կերպ պատրաստված վարունգները հիանալի են որպես խորտիկ, որպես աղցանների, ապուրների, կարկանդակների միջուկներ:
Թթու վարունգ. Անհրաժեշտ բաղադրիչները
_Մանր վարունգ մոտ 630 գր
_Սամիթի ճյուղեր և հովանոցներ՝ ըստ ճաշակի
_Սխտոր 1 պճեղ
_Կծու պղպեղ մի քանի կտոր՝ ըստ ճաշակի
_Դափնու տերև 1 հատ
_Պղպեղի հատիկներ 7-10 հատ
_Ջուր մոտ 450 մլ
_Աղ 15 գր
_Շաքարավազ 30 գր
_Սեղանի քացախ 9% 30 մլ
Թթու վարունգ. Պատրաստման եղանակը
_Մթերքի այս ծավալը տրվում է 1 լիտրանոց բանկայի համար։
_Այսպես կկարողանաք ճշգրիտ հաշվարկել անհրաժեշտ մթերքների քանակը:
_Բանկաների մեջ լցնել սամիթն ու սխտորը, դափնու տերևը, պղպեղի հատիկները։
_Վարունգը շարել բանկաների մեջ։
_Վրան լցնել աղը, շաքարավազը, ավելացնել քացախը՝ 3 ճաշի գդալ։
_Բանկաները լցնել սառը ջրով, ծածկել կափարիչներով:
_Կաթսայի մեջ սրբիչ փռել, բանկաները դնել, մինչև ուսերը տաք ջուր լցնել։
_Կաթսայի մեջ ջուրը եռալուց հետո 10 րոպե մանրէազերծել, կափարիչներով ծածկած։
_Դրանից հետո կափարիչներն ամուր փակել, բանկաները շրջել, ծածկել սրբիչով և թողնել, որ ամբողջովին սառչի։
_Պահածոն պահել նկուղում կամ մառանում։
Այսպիսի համեղ թթու վարունքը միշտ կօգնի ձեզ, երբ սեղանին ավանդական նախուտեստ է հարկավոր կամ պետք է տոների համար դասական աղցաններ պատրաստել:
Բարի ախորժակ:
Տեսանյութ
Բրոկոլի ենք թթու դնում