Առաջարկում ենք պատրաստել Համեղ թխվածքաբլիթ կրեկերներ, որնք հաճույքով կխրթխրթացնեն թե երեխաները, թե մեծերը:
Թվում է, թե այս թխուկը վերջերս է հայտնվել շուկայում։ Բայց պարզվում է, որ կրեկեր թխելու եղանակը մշակվել է 1792 թվականին ԱՄՆ-ում։
Խոհարարության երկար պատմության ընթացքում հայտնի է թխվածքաբլիթների հսկայական բազմազանություն՝ շաքարավազով, շոկոլադով, տարբեր լցոններով: Բայց կան նաև կրեկերներ, չիփսեր և այլն:
Բանն այն է, որ շաքարավազով ստանդարտ թխվածքաբլիթները պահպանման կարճ ժամկետ են ունեցել։ Այսպիսով, որոշեցին ստեղծել թխվածքաբլիթ, որը շատ ավելի երկար կմնա, քան շաքարավազովը:
Եկեք կրկնենք համեղ կրեկերի բաղադրատոմսը:
Համեղ թխվածքաբլիթ կրեկերներ. Բաղադրիչները
_ թթու վարունգի աղաջուր — 250 մլ
_ ալյուր — 500 գ
_ բուսական յուղ — 150 մլ
_ փխրեցուցիչ — 10 գ
_ աղ — 1/4 թեյի գդալ
_ չորացրած սամիթ — 1/2 թեյի գդալ
Համեղ թխվածքաբլիթ կրեկերներ. Պատրաստման եղանակը
_ Թթու վարունգի աղաջուրը և բուսական յուղը լցնել ամանի մեջ, աղ ավելացնել հեղուկի մեջ և լավ խառնել։ Աղի հատիկները պետք է ամբողջությամբ լուծվեն աղաջրի մեջ։
_ Չորացրած սամիթը լցնել հեղուկի մեջ։ Միավորել ալյուրն ու փխրեցուցիչը, մաղել աղաջրի մեջ։ Հունցել չկպչուն առաձգական խմոր, ձևավորել ընդհանուր բուլկի։
_ Խմորը գրտնակել 2 մմ-ից ոչ ավելի հաստ շերտով։ Շերտը կտրատել փոքր շրջանակներով կամ քառակուսիներով։
_ Թխվածքաբլիթների վրա պատառաքաղով անցքեր անել մի քանի տեղից։
_ Թխվածքաբլիթները տեղափոխել յուղաթղթով ծածկված տապակի վրա։
_ Ջեռոցը տաքացնել 180 աստիճանով, կրեկերները թխել ջեռոցում մոտ 15 րոպե։
Արդյունքը իսկական չիփսի նման է, աղի և խրթխրթան։ Թխվածքաբլիթների մակերեսին կարելի է աղ կամ քնջութի սերմեր ցանել՝ ըստ ճաշակի։
Բարի ախորժակ:
Տեսանյութ
Պանրով ձողիկներ
