Թույլ թթվեցրած դդմիկ մի քանի րոպեում. Հիանալի խորտիկ բոլոր առիթների համար:
Համի առումով դրանք ընդհանրապես չեն զիջում թույլ թթվեցրած վարունգներին, բայց այդ կերպ պատրաստած դդմիկներն ունեն իրենց յուրահատուկ բույրը: Ամառավա համերը թող լինեն ձեր սեղանին:
Թույլ թթվեցրած դդմիկ մի քանի րոպեում. Անհրաժեշտ բաղադրիչներ
- Դդմիկ 1 կգ
- Ջուր 1 լ
- Աղ 25-50 գ
- Քացախ 6-9% 1 ճաշի գդալ
- Պղպեղի հատիկներ 1 ճաշի գդալ
- Համեմ
- Մեխակ 2-3 հատ
- Դափնու տերև
- Սամիթի սերմեր
- Կոճապղպեղ
- Թարխուն
- Հիլ
- Թարմ սամիթ 3 ճաշի գդալ
- Սխտոր 2 պճեղ
Թույլ թթվեցրած դդմիկ մի քանի րոպեում. Ինչպես պատրաստել
- Նախ պատրաստել մարինադը, դրա համար ջուր լցնել կաթսայի մեջ, դրա վրա լցնել սև պղպեղ, դափնու տերև, համեմ, սամիթի սերմեր, մեխակ, իսկ մնացած համեմունքներն ավելացնել ըստ ձեր ճաշակի, աղ անել և դնել կրակի վրա:
- Հասցնել եռման, սպասել 2 րոպե և անջատել կրակը:
- Այժմ դդմիկը կտրատել 2-3 սմ հաստությամբ կտորներով: Կտրատած դդմիկը շարել բանկաների կամ այլ հարմար ամանի մեջ, որտեղ նախապես պետք է դնել կտրատած սամիթի ցողուններ և թարմ սխտոր:
- Այնուհետեւ ավելացնել քացախը բանկաների մեջ և լցնել մի փոքր սառած մարինադ. Փակել կափարիչով և թող ամբողջովին սառչի:
- Մեկ ժամից հետո դդմիկը կարող եք դնել սառնարանում և 5-6 ժամ հետո արդեն կարող եք առաջին համտեսն անել, բայց խորհուրդ է տրվում թողնել ողջ գիշեր:
- Թույլ թթվեցրած դդմիկը մի քանի րոպեում կարելի է պատրաստել: Պարզապես վերին աստիճանի համեղ է: Իսկ եթե մատուցվում է երիտասարդ կարտոֆիլի հետ միասին, ապա կարելի է ասել, որ դա պարզապես խոհարարական գլուխգործոց է:
Թույլ թթվեցրած դդմիկը պատրաստ է:
Բարի ախորժակ:
