Լեհական քրոկետներ. Մսով և բանջարեղենով լցոնված նրբաբլիթներ
Քրոկետներն ի սկզբանե պատրաստվել են Ֆրանսիայում: Շուտով մսի և բանջարեղենի խառնուրդի կլորացված փոքր գնդիկները, որոնք թաթախվում էին չորահացի փշուրների մեջ և տապակվում, հանրաճանաչ դարձան այլ երկրներում: Ամեն տեղ այս ուտեստը պատրաստվում է տարբեր ձևերով: Միայն մեկ բան է անփոփոխ՝ քրոկետները տապակվում են բուսական յուղի մեջ:
Մենք ձեզ համար պատրաստել ենք լեհական քրոկետների բաղադրատոմս, որոնք պատրաստվում են նրբաբլիթների մեջ: Դրանք լցոնված են աղացած միսով և բանջարեղենով հյութալի միջուկով, և տապակվում են չորահացի փշրանքների մեջ թաթախվելուց հետո:
Լեհական քրոկետներ. Անհրաժեշտ բաղադրիչները
- Նրբաբլիթներ 10 հատ
- Աղացած տավարի միս 65 գ
- Սոխ 2 հատ
- Արևածաղկի ձեթ 2 ճաշի գդալ
- Աղ 1 թեյի գդալ
- Սխտոր 4 պճեղ
- Սև պղպեղ (աղացած) 1 պտղունց
- Բուլղարական պղպեղ 1 հատ
- Տոմատի սոուս 100 գ
- Մարինացված վարունգ 3 հատ
- Պահածոյացված եգիպտացորեն 100 գ
- Չիլի պղպեղ 1 պտղունց
- Կոշտ պանիր 150 գ
- Ձու 2 հատ
- Պաքսիմատ ըստ ճաշակի
Լեհական քրոկետներ. Պատրաստման եղանակը
- Մաքրել սոխը և կտրել այն փոքր խորանարդներով: Տապակել մինչև թափանցիկ դառնա, ավելացնել աղացած միսը և մանրացրած սխտորը:
- Համեմել աղով և պղպեղով:
- Մաքրել բուլղարական պղպեղը: Պղպեղը և վարունգը կտրատել խորանարդներով:
- Տապակել պղպեղը արևածաղկի ձեթով մինչև փափկելը: Աղացած մսին ավելացնել լոլիկի սոուսը, վարունգը, տապակած պղպեղը և եգիպտացորենը:
- Քերել պանիրը: Լցնել միջուկը և քերած պանիրը յուրաքանչյուր նրբաբլիթի մեջտեղում:
- Նրբաբլիթը փաթաթել սովորական բլինչիկի նման: Հարել ձվերը, թաթախել յուրաքանչյուր նրբաբլիթ ձվի խառնուրդի, ապա պաքսիմատի մեջ:
- Տապակել քրոկետները նախապես տաքացրած թավայի մեջ, թույլ կրակի վրա, մինչև ոսկեգույն երանգ ստանալը:
- Տապակելուց հետո քրոկետները թղթե սրբիչի վրա դնել ավելորդ յուղը հեռացնելու համար:
Մատուցել ձեր սիրած սոուսով՝ պատրաստելուց անմիջապես հետո: Աղացած մսով քրոկետները հարմար են ընկերներին ընդունելու համար: Ինչպես միշտ, եթե ցանկանում եք, կարող եք այս ուտեստը պատրաստել բուսակերների համար՝ աղացած միսը փոխարինելով սնկով:
Լեհական քրոկետները պատրաստ են:
Բարի ախորժակ!
Տեսանյութ
Համեղ նրբաբլիթներ
