Աղցան ծովախեցգետնի ձողերով, թարմ վարունգով և լոբով։
Համադրությունը ամենատարածվածը չէ, բայց բավականին հետաքրքիր և օրիգինալ: Ամեն ինչ պատրաստվում է արագ և հեշտությամբ։ Աղցանի ուշագրավ կետը սոուսն է։
Լոբով աղցան. Անհրաժեշտ բաղադրիչները
_Ծովախեցգետնի ձողիկներ 200 գր
_Թարմ վարունգ 1 հատ
_Պահածոյացված լոբի 1 բանկա
_Կանաչ սոխ 1 փունջ
_Սամիթ՝ ըստ ճաշակի
Սոուսի համար
_Ձու 1 հատ
_Բուսական յուղ 200 գր
_Շաքարավազ 1 թեյի գդալ
_Աղ 0,5 թեյի գդալ
_Մանանեխ 1 թեյի գդալ
_Կիտրոնի հյութ 1 թեյի գդալ
Լոբով աղցան. Պատրաստման եղանակը
_Խեցգետնի ձողիկները կտրատել խորանարդներով:
_Թարմ վարունգն ըստ ցանկության կտրատել։
_Լոբին քամել հեղուկից։
_Մի փունջ կանաչ սոխը և նախընտրած կանաչիները կտրատել:
_Բոլոր բաղադրիչները խառնել աղցանամանի մեջ։
_Սոուսի համար բլենդերի ամանի մեջ խառնել ձուն, աղը, շաքարավազը, մանանեխն ու կիտրոնի հյութը, ավելացնել բուսական յուղը և հարել մինչև սպիտակի, թանձրանա։
_Հագեցնել աղցանը սոուսով, խառնել և մատուցել։
_Այս աղցանը կարելի է օգտագործել որպես կողմնակի ճաշատեսակ՝ որպես հավելում ձկան, մսի, սառը և տաք ուտեստներին։
Եթե սոուսով զբաղվելու ժամանակ չկա, ապա կարող եք սովորական մայոնեզ օգտագործել, պարզապես խառնեք այն մեկ թեյի գդալ մանանեխի հետ։ Կարմիր լոբին կարելի է փոխարինել նաև սպիտակ լոբով։
Բարի ախորժակ:
Տեսանյութ
Հավի կրծքամսով աղցան. Կարմիր լոբով աղցան
