Արագ ու համեղ լոբով աղցան պատրաստելու համար պետք են միայն մատչելի ու պարզ մթերքներ:
Վերցրեք մի բանկա լոբի և պատրաստեք համեղ նախուտեստ:
Երկար ժամանակ Եվրոպայում լոբի չէին ուտում։ Այժմ սիրված ու բազմակողմանի հատիկեղենն այն ժամանակ ընդամենը տների զարդարանք էր։
Լոբով կարելի է շատ հետաքրքիր ուտեստներ պատրաստել, այն սպիտակուցի հիանալի աղբյուր է այն մարդկանց համար, ովքեր ցանկանում են նիհարել։ Բացի այդ, լոբին սննդարար է և կարող է երկար ժամանակով հագեցնել քաղցը։
Մենք ձեզ համար պատրաստել ենք պարզ ու հեշտ լոբով աղցանի բաղադրատոմս։
Լոբով աղցան. Բաղադրիչները
_ պահածոյացված լոբի — 200 գ
_ աղ — 1/2 թեյի գդալ
_ հավի ձու — 3 հատ
_ շաքարավազ — 1/2 թեյի գդալ
_ գազար — 1 հատ
_ մանանեխ — 1 թեյի գդալ
_ թթու վարունգ — 5 հատ
_ խնձորի քացախ — 2 ճաշի գդալ
_ սխտոր — մի պճեղ
_ կաթ — 100 մլ
_ բուսական յուղ — 200 մլ
Լոբով աղցան. Պատրաստման եղանակը
_ Պինդ եփել ձվերը, իսկ մաքրած գազարը՝ մինչև փափկի:
_ Կտրատել գազարն ու թթու վարունգը փոքր խորանարդիկներով, խառնել լոբու հետ աղցանամանի մեջ։
_ Ձվերը մանր կտրատել քառակուսիներով, ավելացնել բանջարեղենին։
_ Մամլիչի օգնությամբ ճզմել սխտորի մի պճեղ, ավելացնել աղցանի մեջ։
_ Առանձին խորը և փակվող տարայի մեջ բուսայուղը խառնել կաթի հետ։
_ Բաղադրիչները հարել ընկղմվող բլենդերով։ Զանգվածի վրա լցնել շաքարավազը, աղը, ավելացնել մանանեխն ու խնձորի քացախը, նորից հարել, մինչև հարթ լինի։
_ Աղցանին ավելացնել ստացված մայոնեզի սոուսը, մանրակրկիտ խառնել։
Տնական մայոնեզի փոխարեն կարելի է օգտագործել խանութից գնված մայոնեզը։
Այսպիսով, լոբիով աղցանն էլ ավելի հեշտ կլինի պատրաստել։
Բարի ախորժակ:
Տեսանյութ
Հավի մսով և լոբով աղցան
