Առաջարկում եմ պատրաստել լոբու պահածո, որը նույնիսկ մսակերներին կհագեցնի: Իմ ընկերուհին շատ է սիրում միս, նա պատրաստ է այն ուտել անընդհատ և ցանկացած ձևով: Եվ երբ նա ասաց, որ գրեթե ամբողջ ձմեռ միսը փոխարինել էր լոբով, ես չէի հավատում ականջներիս: Երբ սկեսուրը հյուր էր եկել, իր հետ բերել էր պահածոյի մի բանկա: Ընկերուհուս այնքան դուր եկավ լոբու պահածոյի համաը, որ նա գրեց բաղադրատոմսը և պատրաստեց նախորդ սեզոնին:
Ինձ նույնպես շատ հետաքրքրեց այս ուտեստը: Եվ համտեսելուց հետո ես նույնպես հիացա: Մթերքները բոլորն էլ ծանոթ են և մատչելի: Պատրաստման գործընթացը հատուկ հմտություններ չի պահանջում, իսկ լոբու համը հիանալի է: Հիմա ուզում եմ կիսվել այս հրաշք բաղադատոմսով ձեզ հետ:
Լոբու պահածո ձմռան համար. Անհրաժեշտ բաղադրիչները
_Լոբի 3 բաժակ
_Լոլիկ 1.5 կգ
_Գազար 300 գ
_Սոխ 0,5 կգ
_Բուլղարական պղպեղ 1 կգ
_Արևածաղկի ձեթ 100 մլ
_Շաքար 200 գ
_Աղ 2 ճաշի գդալ
_Քացախ 35 մլ
Լոբու պահածո ձմռան համար. Պատրաստման եղանակը
_Թրջել լոբին մաքուր ջրի մեջ և թող գիշերը մնա: Առավոտյան ջուրը փոխել և լոբին եփել 40 րոպե: Քամել հեղուկը:
_Մաքրել գազարը, սոխը և պղպեղը: Կտրել բանջարեղենը ցանկացած ձևով և աղալ: Խյուսը լցնել կաթսայի մեջ, եռացնել և եփել 20 րոպե, երբեմն խառնելով:
_Ավելացնել աղ, շաքար, բուսական յուղը և լոբին: Խառնել և եփել ևս 40 րոպե:
_Այս ընթացքում բանկաները պետք է պատրաստել: Լվանալ դրանք սոդայով և մանրէազերծել: Կափարիչները եռացնել, եթե դրանք մետաղական են:
_Լցնել քացախը լոբու պահածոյի վրա և եփել 10 րոպե: Դրանից հետո լցնել բանկաների մեջ և փակել կափարիչներով: Փակել բանկաները, փաթաթել դրանք տաք կտորով և թողնել մեկ օր:
Երբ բանկաների մեջ լցված լոբին ամբողջովին սառչի, դրանք կարող են դրվել նկուղում կամ պահարանում:
Պահածոն կարող է օգտագործվել բորշչ, բանջարեղենային ուտեստներ և համեղ խավարտ պատրաստելու համար: Նույնիսկ հենց այսպես, սեփական սոուսով լոբին աներևակայելի համեղ և հագեցնող է: Արժե փորձել:
Լոբու պահածոն ձմռան համար պատրաստ է:
Բարի ախորժակ: