Շատ բուրավետ, ախորժելի Լոլիկի մարինադ, ամեն տարի պատրաստում եմ և երբեք չեմ փոխի պատրաստման այլ տարբերակների հետ։
Խորհուրդ եմ տալիս փորձել այսպիսի զարմանալի նախուտեստ պատրաստել։
Լոլիկի մարինադ. Անհրաժեշտ բաղադրիչները
_Լոլիկ 4 կգ
_Սոխ 2 հատ
_Գազար 2 հատ
_Բուլղարական պղպեղ 2 հատ
_Սամիթ 1 փունջ
_Ռեհան 1 փունջ
_Մաղադանոս 1 փունջ
_Սխտոր 1 գլուխ
_Կծու պղպեղ 2 հատ
_Դափնու տերև 4 հատ
_Պղպեղի հատիկներ 20 հատ
_Բուրավետ պղպեղ 20 հատ
_Մեխակ 8 հատ
_Մարինաջրի համար
_Աղ 2 ճաշի գդալ
_Շաքարավազ 150 գր
_Քացախ 9% 75 մլ
Լոլիկի մարինադ. Պատրաստման եղանակը
_Լվանալ բանկաները և կափարիչները:
_Յուրաքանչյուր բանկայի մեջ լցնել կիսաօղակներով կտրատած սոխը և ավելացնել, ցողունները կտրած և լավ լվացած լոլիկները:
_Յուրաքանչյուր բանկայի մեջ դնել 1 հատ դափնու տերև:
_Լցնել եռման ջուր բանկաների մեջ, ծածկել կափարիչներով և թողնել 20 րոպե։
_Բլենդերով մանրացնել գազարը, քաղցր և կծու պղպեղներըը, սխտորն ու կանաչիները։
_Ջուրը բանկաներից քամել կաթսայի մեջ:
_Կաթսայի մեջ լցնել աղն ու շաքարավազը, մանրացված զանգվածը, հասցնել եռման աստիճանի և եփել 5 րոպե։
_Մնացած բոլոր համեմունքները ավելացնել բանկաների մեջ և լցնել քացախը, ավելացնել տաք մարինաջուրը։
_Կափարիչներով փակել և թողնել, որ սառչի։
_Պահել մառանում կամ նկուղում:
Լոլիկը պինդ է, բուրավետ, շատ հարուստ, քաղցր և թթու համով։ Եթե ռեհան կամ մեխակ չեք սիրում, կարող եք առանց դրանց պատրաստել։
Բարի ախորժակ: