Լոլիկի պահածո. Այս աղցանն իր հրաշալի բույրով և համով կզարդարի ձեր սեղանը
Ներկայացնում ենք մեղրով համեմվող, արագ պատրաստվող, կծու և անուշաբույր նախուտեստ, որը պատրաստ է արդեն իսկ հաջորդ օրը, այն ձեզ հաստատ դուր կգա:
Լոլիկի պահածո. Անհրաժեշտ բաղադրիչները
- Լոլիկ 1 կգ
- Սոխ 4 հատ
- Սխտոր 6 — 7 պճեղ
- Կիտրոնի հյութ 4 ճաշի գդալ
- Բուսական յուղ 7 ճաշի գդալ
- Ռեհան 1 թեյի գդալ
- Պապրիկա 1 թեյի գդալ
- Աղ 1 թեյի գդալ
- Մեղր 3 ճաշի գդալ
Լոլիկի պահածո. Պատրաստման եղանակը
- Լվանալ բանկաները մանրակրկիտորեն, ստերիլիզացնել դրանք:
- Լվանալ լոլիկը, չորացնել թղթե սրբիչներով և կտրել 5 մմ հաստության շերտերով:
- Պետք է սոխը նույնպես կտրել շերտերով:
- Հիմա դասավորել շերտերով` լոլիկ, ապա սոխ, և այդպես շարունակել մինչև վերև: Պարբերաբար դնել սխտորի պճեղները: Սոխի շերտը պետք է լինի վերջինը:
- Մարինադի համար խառնել մեղրը և բուսական յուղը, կիտրոնի հյութը, պապրիկան և ռեհանը, աղը: Խառնուրդը լավ խառնել:
- Մարինադը լցնել բանկաների մեջ, լավ թափահարել այնպես, որ այն հագեցնի բանջարեղենների բոլոր կտորները, ծածկել կափարիչով և դնել սառնարանը:
Նման լոլիկները պատրաստ կլինեն 1 — 2 ժամ հետո, բայց, եթե դուք գոնե մեկ օր սպասեք, ժամանակ առ ժամանակ թափահարեք բանկան, ապա կվայելեք նախուտեստի շատ կծու համը, որը իդեալական է ցանկացած մսամթերքի և ձկան ուտեստի հետ:
Բար ախորժակ:
Տեսանյութ
Աղցան ֆաթուշ լիբանանյան խոհանոցից
