Լոլիկով նախուտեստ. Շատ համեղ, անսովոր, օրիգինալ նախուտեստ: Ձեզ հարկավոր է ընդամենը սովորական լոլիկ, և կստանաք անհավանական, անկրկնելի համ: Դուք պարզապես մատները հետը կուտեք, որովհետև այս լոլիկով նախուտեստը չափազանց համեղ է:
Լոլիկով նախուտեստ. Մեզ պետք կլինի
- Լոլիկ 500 գ
- Սոխ 160 գ
- 2 պճեղ սխտոր
- Բուսական յուղ 4 ճաշի գդալ
- Կիտրոնի հյութ 2,5 ճաշի գդալ
- Ռեհան
- Համեմունք
- Սև պղպեղ և աղ ըստ համտեսի
- Մեղր 1 ճաշի գդալ
Լոլիկով նախուտեստ. Ինչպես պատրաստել
- Լավ լվացված և կոթերը հանած լոլիկները մեջտեղից կտրել, իսկ եթե լոլիկը փոքր է, ապա պարզապես մի քանի տեղից պատառաքաղով անցքեր արեք:
- Այժմ կտրատած և պատրաստած լոլիկը տեղափոխել խորը ամանի մեջ, դրա մեջ ավելացնել կես օղակներով կտրատած սոխը:
- Հաջորդ քայլով անհրաժեշտ է պատրաստել սոուսը, դրա համար մի փոքրիկ ամանի մեջ պետք է խառնել բուսական յուղ, մեղր, կիտրոնի հյութ, ճզմած սխտոր, չորացրած ռեհան, սև պղպեղ և համեմունք: Խառնել ամեն ինչ մանրակրկիտորեն:
- Լոլիկի ու սոխի խառնուրդին աղ անել, և այդ ամենին ավելացնել սոուսը: Լավ խառնել ամեն ինչ, և թող ամանի պարունակությունը թրմվի 1-2 ժամ, բայց ավելի լավ է թողնել այն ողջ գիշերվա ընթացքում:
Լոլիկով նախուտեստը պատրաստ է: Սովորական լոլիկից պատրաստված ինքնատիպ և անսովոր խորտիկ: Այն շատ համեղ է, անուշաբույր և ախորժելի:
Բարի ախորժակ:
