Սոխով և կանաչիներով Լոլիկով նախուտեստ պատրաստենք:
Թեթև թթվեցրած լոլիկը վաղուց դարձել է խորովածի հետ մատուցվող ամենասիրված սեզոնային խորտիկը, դրանք միշտ ներկա են տոնական սեղանին և սովորական ընթրիքին:
Լոլիկով նախուտեստ. Բաղադրիչները
_Լոլիկ 5 հատ
_Սոխ 1 հատ
_Կանաչիներ ըստ ճաշակի
_Բուսական յուղ 5 ճաշի գդալ
_Կիտրոնի հյութ 1 ճաշի գդալ
_Շաքարավազ 1 ճաշի գդալ
_Աղ 1 թեյի գդալ
_Սխտոր 3 պճեղ
_Համեմունքներ՝ ըստ ճաշակի
Լոլիկով նախուտեստ. Պատրաստման եղանակը
_Ընտրեք պինդ սորտերի լոլիկ, որպեսզի մարինացնելիս շերտերը չփլվեն ու չկորցնեն իրենց գեղեցիկ ու ախորժելի տեսքը։
_Կանաչեղենն ու կանաչ սոխը մանր կտրատել, սովորական սոխը բարակ կիսօղակներով կտրատել։
_Մարինադի համար խառնել կիտրոնի հյութը, շաքարավազը և աղը։
_Լոլիկն ավելի շատ «սիրում է» քացախը, այնպես որ, եթե ձեզ դուր է գալիս քացախով մարինադի համը, կիտրոնի հյութի փոխարեն քացախ ավելացրեք՝ սովորական կամ խնձորի:
_Մարինադի մեջ լցնել անուշաբույր համեմունքներ՝ իտալական կամ պրովանսյան, քերած սխտոր, լցնել բուսայուղ և խառնել։
_Կարելի է նաև ձեթն ընտրել ըստ ճաշակի. եթե սիրում եք լոլիկի և չզտված արևածաղկի բնական համերի համադրությունը, ապա լցրեք այն, եթե ոչ, ապա՝ ըստ ճաշակի։
_Կանաչիով և սոխով լոլիկը շերտերով լցնել տարայի մեջ և ավելացնել մարինադը։
_Փակել տարան կափարիչով և լոլիկը մարինացնելու դնել սառնարանում ամբողջ գիշեր՝ պարբերաբար հանելով տարան և թափահարելով այն, որպեսզի մարինադը ներծծեն բոլոր շերտերը։
Ըստ ճաշակի կարող եք ավելացնել թարմ ռեհան, եթե ձեզ դուր է գալիս այս համադրությունը լոլիկի հետ։ Բայց նույնիսկ առանց լրացուցիչ համեմունքների, լոլիկը շատ համեղ է:
Բարի ախորժակ:
