Այսօր ձեզ ենք ներկայացնում Լոլիկով նախուտեստի պարզ բաղադրատոմս: Բանջարեղենով արագ մարինադն այսօր դարձել է բավական տարածված բաղադրատոմս և շատ տնային տնտեսուհիներ փորձում են օգտագործել վարունգով և լոլիկով մարինադ պատրաստելու նման էքսպրես տարբերակներ:
Նախուտեստը միշտ շատ հաջող է ստացվում և համադրվում է բազմազան ուտեստների հետ, տեղին է խորովածի հետ։
Լոլիկով նախուտեստ. Անհրաժեշտ բաղադրիչները
_Սամիթ լավ փունջ
_Սխտոր 6 պճեղ
_Աղ 1 ճաշի գդալ
_Շաքարավազ 1 թեյի գդալ
_Պրովանսյան կանաչիներ 1 թեյի գդալ
_Համեմունք կորեական գազարի համար 1 թեյի գդալ
_Աև պղպեղ 1/3 թեյի գդալ
_Լոլիկ 6 հատ
_Կծու պղպեղ 0,5 պատիճ
_Բուսական յուղ 50 մլ
_Խնձորի քացախ 6% 3 ճաշի գդալ
Լոլիկով նախուտեստ. Պատրաստման եղանակը
_Մարինադի համար ավելի լավ է վերցնել խնձորի կամ գինու քացախ, դրանք բանջարեղենին համ են ավելացնում, բայց, եթե չունեք, օգտագործեք սովորական քացախ մի քանի կաթիլ կիտրոնի հյութով:
_Սամիթը կտրատել, սխտորը քերել քերիչով կամ անցկացնել ճզմիչով։
_Ավելացնել աղ, շաքար, պրովանսյան կանաչիներ, սև պղպեղ, համեմունք կորեական գազարի համար և ամեն ինչը լավ խառնել։
_Լոլիկների վրա խաչաձև կտրվածքներ անել ու մեջը լցնել կանաչ բուրավետ զանգվածը՝ սխտորով ու համեմունքներով։
_Լոլիկները լցնել տոպրակի մեջ, ավելացնել կծու պղպեղի մանր կտորները, ավելացնել քացախն ու բուսայուղը։
_Կապել տոպրակը և 12 ժամով դնել սառնարանը։
Մարինացվելուց հետո լոլիկը շատ համեղ է, բուրավետ։ Եթե սպասելու ժամանակ չկա, կարող եք անմիջապես մատուցել, պարզապես թողեք սառչի սառնարանում 30 — 40 րոպե։
Բարի ախորժակ:
Տեսանյութ
Կորեական աղցան գազարով և դդմիկով
