Խնձորով աղցան. Թեթև և հագեցնող ուտեստ

Խոզապուխտով գազարով և խնձորով աղցան: Ամեն ինչ պատրաստվում է պարզ և արագ, աղցանը օրիգինալ է ստացվում, այն կարելի է առաջարկել հյուրերին՝ նույնիսկ տոնական սեղանի շուրջ։

Խնձորով աղցան. Անհրաժեշտ բաղադրիչները

_Բոքոն՝ չորահացի համար

_Խոզապուխտ 150 գր

_Գազար 1 հատ

_Խնձոր 1 հատ

_Պանիր 50 գր

_Կիտրոնի հյութ 1 ճաշի գդալ

_Սխտոր 2 պճեղ

_Մայոնեզ՝ ըստ ճաշակի

Խնձորով աղցան. Պատրաստման եղանակը

_Բոքոնը խորանարդաձև կտրատել, ցողել բուսայուղով, ցանել աղ, համեմունքներ և անուշաբույր կանաչիներ։

_Չորացնել չոր տապակի մեջ կամ ջեռոցում, որպեսզի դրանք խրթխրթան և բուրավետ լինեն:

_Խոզապուխտը կամ երշիկը կտրատել ձողիիկներով։

_Մաքրել խնձորը և կտրատել շերտերով կամ քերել կորեական գազարի քերիչով:

_Ցողել կիտրոնի հյութով։

_Խոզապուխտը խառնել խնձորի և քերած գազարի, պանրի հետ։

_Աղցանը համեմել մայոնեզով կամ թթվասերով և շաղ տալ չորահացերով։ Մատուցել անմիջապես։

Կարող եք աղցանը դնել աղցանամանի մեջ և չորահացերը դնել առանձին ափսեի վրա կամ լցնել աղցանի շուրջը։

Բարի ախորժակ:

Տեսանյութ

Կարմիր աղցան