Այս եղանակով պատրաստված խոզի պաշտետը շատ է տարբերվում այն մթերքից, որին բոլորս սովոր ենք։ Հատկապես եթե հաշվի առնենք այն, որ վաճառում են խանութներում։
Առաջարկում ենք խոզի մսից պատրաստել պաշտետ, որը պետք է մանրացնել ոչ թե մսաղացով, այլ դանակով, որպեսզի պատրաստի ուտեստը հյութեղ ու նուրբ լինի։
Վերջում ավելացրեք խնձորն ու կանաչ սոխը, որոնք առանձնահատուկ նրբություն կհաղորդեն համին։ Այնուհետև թխել պաշտետը և լավ սառեցնել՝ դնելով ծանրոցի տակ։
Խոզի պաշտետ. Անհրաժեշտ բաղադրիչները
_Խոզի բուդ 1,2 կգ
_Ապխտած խոզի կրծքամիս 400 գր
_Կանաչ սոխի ցողուններ (միայն սպիտակ մասը) 7 հատ
_Մեծ կանաչ խնձոր 1 հատ
_Կիտրոնի հյութ 3 ճաշի գդալ
_Աղ՝ ըստ ճաշակի
_Աղացած բուրավետ պղպեղ՝ ըստ ճաշակի
Խոզի պաշտետ. Պատրաստման եղանակը
_Խոզի միսը շատ մանր կտրատել շատ սուր դանակով կամ երկու ծանր դանակով։ Մի օգտագործեք մսաղաց:
_Ապխտած կրծքամիսը կտրատել շատ փոքր խորանարդիկներով։ Կանաչ սոխը մանր կտրատել օղակներով։
_Մաքրել խնձորը, հեռացնել սերմերը, կտրել պտղամիսը փոքր խորանարդներով:
_Պատրաստի խոզի միսը, կրծքամիսը, խնձորն ու սոխը խառնել մեծ տարայի մեջ:
_Ավելացնել կիտրոնի հյութ, համեմել բուրավետ և սև պղպեղով։ Ձեռքերով լավ խառնել աղացած միսը։
_Ծածկել պոլիէթիլենային թաղանթով և դնել սառնարանում 8 ժամ։
_Պատրաստել ամանը խոզի պաշտետը պատրաստելու համար։ 23×12,5 սմ չափսի, 2լ ծավալով ամանի մեջ յուղաթուղթ փռել։ Կարելի է թեթև յուղել կարագով։
_Սառած մսի զանգվածը դնել պատրաստված ձևամանի մեջ: Վերևը երեք շերտով ծածկել բարձրորակ փայլաթիթեղով՝ այն ամուր սեղմելով կողքերին։
_Խոզի աղացած մսով ամանը դնել խորը տապակի մեջ և լցնել այնքան ջուր, որ հասնի ձևամանի կեսին։ Ջեռոցը տաքացնել մինչև 160 ° C, թխել 2 ժամ։
_Երբ պաշտետը պատրաստ է, զգուշորեն հանել փայլաթիթեղը և ծակծկել ուտեստը սուր դանակով, պետք է թափանցիկ հյութ հոսի։ Ուշադրություն դարձրեք եզրերին՝ դրանք պետք է պոկվեն պատերից։
_Թողնել սառչի, այնուհետև փայլաթիթեղի վրա դնել հարմար տախտակ և մոտ 1 կգ քաշով ծանրոց:
_Նախուտեստը դնել սառնարանում 24 ժամ կամ 2 օր։
Բարի ախորժակ:
Տեսանյութ
Քյուֆթա պատրաստելու 2 տարբերակ
