Խորովածի սոուսը հորինել են ամերիկացիները, սակայն այսօր դրա պատրաստման շատ բաղադրատոմսեր կան։ Բաղադրատոմսը, որն այսօր պատրաստել է ձեզ համար ամենահեշտ և արագ տարբերակներից է։
Խորովածի սոուսը հիանալի համադրվում է մսի, հատկապես որսամսի հետ։ Եթե միսը եփեք և մատուցեք այս սոուսով, ապա կհրաժարվեք դասական կետչուպներից:
Իսկ եթե բուսակեր եք կամ ծոմապահության օրեր են, կարող եք այս սոուսը վստահորեն մատուցել ցանկացած ուտեստի հետ:
Խորովածի սոուս. Բաղադրիչներ
_Տոմատի սոուս 400 գ
_Տոմատի մածուկ 3 ճաշի գդալ
_Սոխ 1 հատ
_Սխտոր 3-4 պճեղ
_Վուստերյան սոուս 1 ճաշի գդալ
_Խնձորի քացախ 3 ճաշի գդալ
_Ձիթապտղի յուղ 2 ճաշի գդալ
_Շագանակագույն շաքարավազ 1 ճաշի գդալ
_Չիլի պղպեղ 1 թեյյի գդալ
_Սև պղպեղ (աղացած)՝ ըստ ճաշակի
_Աղ՝ ըստ ճաշակի
_Մանանեխ 2 ճաշի գդալ
Խորովածի սոուս. Պատրաստման եղանակը
_Մաքրել սոխը և մանրացնել։ Նույն կերպ մաքրել և մանրացնել սխտորը։
_Տապակը դնել կրակի վրա, լցնել ձիթապտղի յուղը և տաքացնել։ Ավելացնել սոխը տապակի մեջ և տապակել մինչև կիսաթափանցիկ:
_Այնուհետև ավելացնել սխտորը և տապակել ևս 2 րոպե, տապակի մեջ ավելացնել տոմատի սոուսը և հասցնել եռման աստիճանի։
_Առանձին տարայի մեջ խառնել շաքարավազն ու մանանեխը, զանգվածի վրա լցնել 100 մլ եռման ջուր և հարել, մինչև ամբողջովին լուծվի։
_Ստացված զանգվածին ավելացնել տոմատի մածուկն ու քացախը, ամեն ինչ խառնել ու լցնել տապակի մեջ։
_Համեմել խորովածի սոուսը վուստերյան սոուսով, չիլիով և աղով և պղպեղով ըստ ճաշակի:
_Սոուսը տապակի մեջ պահել ևս 10 րոպե՝ անընդհատ խառնելով։
_Մատուցելուց առաջ թող սոուսը սառչի։
Անպայման փորձեք պատրաստել և տոնական սեղանին մատուցել այս սոուսը։ Մթերքների այս համադրությունը կտա այն համեղ նոտան, որ կուրախացնի ձեր հյուրերին:
Բարի ախորժակ:
Տեսանյութ
Խորովածի սոուս մսեղենի համար
