Խորոված բանջարեղենով հայկական աղցան. Չափազանց համեղ, բուրավետ, հյութալի, սա բոլորին կուրախացնի: Խորոված բանջարեղենի հայկական աղցան աներևակայելի համեղ է, անուշաբույր, ունի չափավոր կծու թեթև համ:
Այս աղցանը սովորաբար պատրաստում ենք երբ բնության գրկում խորովածի ենք մեկնել, բայց եթե հնարավորություն չունեք գնալ պիկնիկի և խարույկի վրա խորովել բանջարեղեն, ապա կարող եք տանը պատրաստել և վայելել այս խորտիկը ոչ պակաս, քան բնության մեջ:
Այս աղցանը մատուցվում է տաք կամ սենյակային ջերմաստիճանում: Ցանկության դեպքում այն կարելի է պահել սառնարանում 1 — 2 ժամ և մատուցել սառեցված, որի ընթացքում բոլոր բանջարեղենները հիանալի ներծծվում են յուղով, քացախով, կիտրոնի հյութով, ինչպես նաև սխտորի և համեմունքների բույրով:
Այս ուտեստը կարող է ծառայել որպես նախուտեստ մսի կամ ձկան ուտեստների համար: Ինչպես նաև պահքի օրերին:
Խորոված բանջարեղենով հայկական աղցան. Անհրաժեշտ բաղադրիչներ
- Սմբուկ 2 հատ
- Լոլիկ 4 հատ
- Բուլղարական պղպեղ 4 հատ
- Սոխ 2 հատ
- Սխտոր 4 պճեղ
- Մաղադանոս 1 փունջ
- Սամիթ 0,5 փունջ
- Համեմ 0,5 փունջ
Լցոն
- Սեղանի քացախ` ըստ ճաշակի
- Ձիթապտղի յուղ 4 ճաշի գդալ
- Կիտրոնի հյութ` ըստ ճաշակի
- Աղացած սև պղպեղ` ըստ ճաշակի
- Համեմունք` ըստ ճաշակի
- Աղը` ըստ ճաշակի
Խորոված բանջարեղենով հայկական աղցան. Պատրաստման եղանակը
- Նախևառաջ միացրեք և տաքացրեք ջեռոցը 200 աստիճանի: Այնուհետև սառը հոսող ջրով լվանալ բանջարեղենները:
- Այժմ վերցնել 2 տապակ և դրանցից մեկի մեջ լցնել 0.5 բաժակ ջուր, մեջը դնել սոխը և սմբուկ, որը նախապես պատառաքաղով մի քանի անգամ ծակծկելուց հետո:
- Երկրորդ տապակի մեջ դնել լոլիկը և պղպեղը: Տապակները դնել տաք ջեռոցում: Այժմ պետք է հիշել, որ այս բաղադրիչները խորովվում են տարբեր ձևերով: Առնվազն 40 — 45 րոպե` սոխը և սմբուկը միջին չափի, իսկ մեծը` մինչև 1 ժամ, լոլիկը և պղպեղը 20 — 30 րոպե: Պարբերաբար բացել ջեռոցը և պատառաքաղով բանջարեղենը շրջել, որպեսզի նրանք հավասարապես խորովվեն:
- Թույլ տվեք, որ բաղադրիչները մի փոքր սառչեն, որպեսզի դրանք տաք չլինեն, բայց չհասցնեն սառչել սենյակային ջերմաստիճանի:
- Մինչ բանջարեղենը սառչում է, պատրաստել աղցանի սոուսը: Ձիթապտղի յուղը լցնել ամանի մեջ: Բանջարեղենն ունի քաղցրավուն համ, այնպես որ, աղցանը համեմված, կծու, պայծառ համով պատրաստելու համար, սոուսին պետք է ավելացնել քացախ, կիտրոնի հյութ, ավելացնել աղ, սև աղացած պղպեղ, համեմունք և սխտորի ճզմած պճեղներ: Հարել պատառաքաղով, մինչև լավ խառնվի, հետո վրան ծածկել սննդային թաղանթով և թող մնա:
- Կեղևահան անել պատրաստված բանջարեղենը և խոհանոցային տախտակի վրա կտրատել: պղպեղի կորիզները հանել և կտրատել լայն շերտերով մինչև 2 — 3 սանտիմետր հաստությամբ: Սոխը կտրել խոշոր շերտերով, մինչև 1 սանտիմետր հաստությամբ: Կտրեք սմբուկը շերտով մինչև 3 — 4 սանտիմետր երկարության եւ մինչև 2 սանտիմետր հաստության, իսկ լոլիկները պարզապես կտրել 4 — 6 մասերի:
- Կանաչիները լավ լվանալ, քամել ավելորդ ջուրը, մանր կտրատել: Բոլոր կտրատած բանջարեղենը դնել ամանի մեջ, ավելացնել մանրացած կանաչիները, վրան լցնել սոուսը:
- Շատ ուշադիր խառնել աղցանի բոլոր բաղադրիչները ճաշի գդալով: Անել այնպես, որ անուշահոտ սոուսը խառնվի բոլոր բաղադրիչներին:
Այժմ մնում է թողնել, որ աղցանը մնա 5 — 7 րոպե, ապա դնել այն ափսեի վրա և մատուցել:
Խորոված բանջարեղենով հայկական աղցանը պատրաստ է: Զարդարել համեմի տերևներով և վայելել:
Բարի ախորժակ:
Տեսանյութ
Թարմ աղցան կաղամբով