Խորոված. Հայկական ամենաանուշ բանջարեղենային աղցանը
Բոլորիս կողմից սիրելի այս ուտեստն անփոխարինելի է ամառային պիկնիկների ժամանակ: Կրակի վրա խորոված բանջարեղենը շատ սիրված է: Յուրաքանչյուրն իր նախնտրած կերպով է պատրաստում, բայց կան հիմնական քայլեր, որոնք ավելի են նպաստում, որ խորվածը անկրկնելի համեղ լինի:
Ոմանք մատուցում են տաք վիճակում` կարագի կտորի հետ, մյուսները սառը վիճակում են նախընտրում` վրան լցնելով բուսական յուղ:
Ամեն դեպքում այս խավիարը, կամ աղցանը, անվանեք ինչպես ուզում եք, ունի աներևակայելի համ, որն ուղեկցում է մեզ ամառվա բոլոր ամիսներին:
Ցավոք, միշտ չէ, որ հաջողվում է բնության գրկում վայելել այս ուտեստը, այնպես որ եկեք պատրաստենք տանը: Դե ինչ, անցնենք գործի:
Խորոված. Անհրաժեշտ բաղադրիչներ
- 4 մեծ սմբուկ
- 4 մեծ քաղցր պղպեղ
- 1 կարմիր սոխ քաղցր
- 2 պճեղ սխտոր
- 1 փոքր փունջ համեմ
- 1 կիտրոնի հյութ
- բուսական յուղ
- աղ, թարմ աղացած սև պղպեղ
Խորոված. Պատրաստման եղանակը քայլ առ քայլ
- Եթե դուք պատրաստում եք բնության մեջ, ապա պետք է խորովել բանջարեղենը քանի դեռ ածուխները դեռ սկսել այրվում և բոցավառվում են բաց կրակով: Խորովել բանջարեղենը և պարբերաբար շրջելով, մինչև բոլոր կողմերից կեղևը լավ այրված լինի: Այս եղանակով պատրաստված բանջարեղենը դնել պլաստիկ տոպրակի մեջ, բերանը կապել և թողնել 10 րոպե:
- Եթե տանն եք եփում, ուրեմն, միացրեք վառարանի բոլոր կետերը և սմբուկն ու պղպեղը ուղղակի դրեք գազի կրակի կամ էլեկտրական սալիկի վրա: Խորովել բանջարեղենը, մինչև կեղևը այրվի: Լավագույն տարբերակն է` բանջարեղենը ջեռոցում խորովելը, քանի որն այդպես տունը շատ ծուխ չի լցվում:
- Պատրաստված բանջարեղենն անմիջապես ընկղմել սառը, աղ արած ջրի մեջ:
- Մաքրել սմբուկի և պղպեղի կեղևը, հանել ցողունն ու սերմերը պղպեղից, պտղամիսը կտրատել խոշոր կտորներով և լցնել ամանի մեջ: Կարող եք վրան ավելացնել նաև թարմ, կամ խորոված լոլիկ, ըստ ճաշակի:
- Մանր կտրատել սոխը: Կանաչիների կոշտ ցողունները հեռացնել, թողնել միայն մատղաշ տերևները: Մանրացնել սխտորը և կանաչիները դանակով, ավելացնել աղցանի ամանի պարունակությանը և ամեն ինչ լավ խառնել:
- Վերջում վրան քամել կիտրոնի հյութ, ցողել բուսական յուղով և մատուցել:
Խորովածը պատրաստ է:
Բարի ախորժակ: