Խորտիկ աղցան Շեհերազադե. Արագ պատրաստվող ախորժելի նախուտեստը արևելյան հեքիաթի տրամադրություն կստեղծի

Եկեք պատրաստենք խորտիկ աղցան Շեհերազադե, որը կզարմացնի ձեզ իր բաղադրությամբ և պատրաստելու հեշտությամբ։

Նախկինում խոհարարական գրքերում աղցանները հստակորեն բաժանվում էին՝ «իրական» և «խորտիկ»աղցանների:

«Իրական» աղցանները ներառում էին միայն բանջարեղենից և կանաչիներից պատրաստված ուտեստներ: Իսկ «խորտիկներ» համարվում էին մսից, ձվից ու պանիրներից պատրաստված աղցանները։

Խորտիկ աղցան Շեհերազադե. Բաղադրիչները

_ ապխտած հավի կրծքամիս — 300 գ

_ նռան հատիկներ — 100 գ

_ հալած պանիր — 3 հատ

_ մայոնեզ — 150 գ

_ սխտոր — 2 պճեղ

_ կիվի — 2 հատ

_ գազար — 250 գ

_ ձու — 3 հատ

_ խնձոր — 1 հատ

Խորտիկ աղցան Շեհերազադե. Պատրաստման եղանակը

_ Խաշել գազարը, մինչև փափկի, պինդ խաշել ձվերը։

_ Կրծքամիսը կտրատել միջին չափի խորանարդիկներով և լցնել մայոնեզի հիմքի վրա՝ կաղապարի մեջ։

_ Պանիրը մանրացնել խոշոր քերիչով, խառնել ճզմած սխտոր։ Երկու բաղադրիչներն էլ համեմել մեկ գդալ մայոնեզով, լավ խառնել։

_ Պանրի զանգվածը քսում ենք հավի մսի վրա՝ շերտը հավասարաչափ բաշխելով մակերեսի վրա։

_ Գազարը մանրացնել խոշոր քերիչով, դնել պանրի շերտի վրա։

_ Խնձորը մաքրել, քերել մանր քերիչով և խնձորի շերտը դնել գազարի վրա։

_ Ձվերը նույն կերպ մանրացնել քերիչով և լցնել խնձորի շերտի վրա։

_ Կիվին մաքրել, կտրատել միջին չափի խորանարդիկներով։

_ Աղցանի մակերեսը ծածկել կիվիի կտորներով, ավելացնել նռան հատիկներ։

Այս աղցանը կարելի է անմիջապես մատուցել սեղանին: Այնուամենայնիվ, խորհուրդ ենք տալիս մի քանի ժամ թողնել սառնարանում։

Բարի ախորժակ:

Տեսանյութ

Տոնական շքեղ աղցան