Խորտիկ Միմոզա. Ձկան պահածոյով համեղ ու քնքուշ նախուտեստ
Գնդիկներով այս խորտիկը հարմար ու շատ գեղեցիկ ուտեստ է: Կարող եք ընտրել դրա պատրաստման բաղադրիչները, ձեր ցանկությամբ: Տնական այս խորտիկի շնորհիվ կերաշխավորվի հյուրերի հիացմունքը ձեր խոհարարական ունակություններով:
Այսօր մենք խորհուրդ ենք տալիս համատեղել երկու բաղադրատոմս` Միմոզա աղցան և խորտիկ գնդիկներ: Արդյունքն անպայման կուրախացնի ձեզ:
Խորտիկ Միմոզա. Անհրաժեշտ բաղադրիչներ
- Թունոսի պահածո 200 գ
- Կարտոֆիլ 1 հատ
- Գազար 1 հատ
- Ձու 2 հատ
- Կոշտ պանիր 70 գ
- Կանաչ սոխ 30 գ
- Քնջութ 4 ճաշի գդալ
- Սոյայի սոուս 1 ճաշի գդալ
- Թթվասեր 2 ճաշի գդալ
Խորտիկ Միմոզա. Պատրաստման եղանակը
- Առաջին հերթին եփել կարտոֆիլը, գազարն ու ձվերը մինչև պատրաստ լինելը: Սառեցնել մթերքները, կեղևը հեռացնել:
- Բացել ձկան պահածոն (թունոս կամ այլ ձուկ), լցնել խորը ամանի մեջ, տրորել պատառաքաղով:
- Կարտոֆիլը անցկացնել խոշոր քերիչով, իսկ գազարը՝ մանր քերիչով: Նախապատրաստած բանջարեղենն ավելացնել ձկներին, խառնել ամեն ինչ:
- Դրանից հետո ավելացնել մանր քերիչով անցկացված կոշտ պանիրն ու ձվերը: Նորից ամեն ինչ լավ խառնել:
- Լավ լվանալ և մանր կտրատել կանաչ սոխը, ավելացնել մնացած բաղադրիչներին:
- Դրանից հետո ավելացնել սոյայի սոուս, թթվասեր: Մթերքները մանրակրկիտ խառնել մինչև միատարր զանգված ստացվի, դրանից պատրաստել ընկույզի չափ գնդիկներ:
- Քնջութի սերմերը թույլ շագանակագույնի աստիճան բովել, թաթախել գնդիկները դրա մեջ:
Դասավորել ուտեստը մատուցման ափսեի վրա և զարդարել ըստ ձեր ճաշակի:
Խորտիկ Միմոզան պատրաստ է:
Բարի ախորժակ:
Տեսանյութ
Ձկան պատրաստման եղանակ
