Ծաղկակաղամբով ձվածեղ թավայի մեջ. Այս առողջարար ու հագեցնող ուտեստը հիանալի տարբերակ է սեփական առողջությունը գնահատողների համար: Սա կլինի օրվա հիանալի սկիզբը: Նախաճաշի ավելի լավ տարբերակ չկա, քան վիտամններով հարուստ ու առույգացնող այս ուտեստը:
Նախ, ծաղկակաղամբը մի փոքր պատրաստել թավայի մեջ, ապա լցնել ձվածեղի խառնուրդը և հասցնել վերջնական վիճակի: Նման ձվածեղի վրա կարելի է լրացուցիչ ցանել ցանկացած պանիր, հարմար կլինենի ցանկացած սպիտակ պանիր` աղի կամ անալի:
Содержание
Ծաղկակաղամբով ձվածեղ. Անհրաժեշտ բաղադրիչները 2 անձի համար
- Ծաղկակաղամբ 150 գ
- Հավի ձու 3 հատ
- Կաթ 100 մլ
- Աղ, պղպեղ` ըստ ճաշակի
- Խմելի սունելի 1 պտղունց
- Ջուր 100 մլ
- Կարագ 50 գ
Ծաղկակաղամբով ձվածեղ. Պատրաստման եղանակը
- Լվանալ և ցամաքեցնել ծաղկակաղամբը, այնուհետև բաժանել փոքրիկ ծաղկաբույլերի: Դրանք չպետք է լինեն շատ մեծ, որպեսզի եփվելու բավարար ժամանակ ունենան:
- Կաղամբը լցնել տապակի մեջ, լցնել ջուրը, եփել 5 րոպե, կափարիչով ծածկված վիճակում:
- Երեք մեծ ձու կոտրել ամանի մեջ: Ձվին ավելացնել կաթ: Աղ և պղպեղ անել` ըստ ճաշակի, ավելացնել մի պտղունց խմելի սունելի: Լավ հարել ձվերը և կաթը մինչև համասեռ զանգված ստացվի:
- Երբ կաղամբը մի փոքր շոգեխաշվի, հալեցնել կարագը:
- Ձվի խառնուրդը լցնել կաղամբի վրա և ծածկել տապակը կափարիչով:
- Ձվածեղը եփել 5 րոպե ամենացածր կրակի վրա:
- Պատրաստի ուտեստը դնել ափսեի մեջ:
Դուք կարող եք մատուցել ձվածեղը տոստերով, բանջարեղենով և կանաչիներով: Ստացվում է շատ համեղ և սննդարար, համեղ նախաճաշ:
Ծաղկակաղամբով ձվածեղը պատրաստ է:
Բարի ախորժակ: