Վերջերս ինտերնետում գտա Ծաղկակաղամբով և ձվով ջեռեփուկի մի հիանալի բաղադրատոմս, որտեղ ծաղկակաղամբը տապակելու կամ խաշելու կարիք չունի: Որոշեցի փորձել: Ամենադժվարն այս դեպքում կաղամբը քերելն է:
Բայց ես մի փոքր խորամանկության դիմեցի ու այն մանրացրեցի բլենդերով: Դրանից հետո մնում է չնչին գործ՝ պարզապես խառնել բոլոր բաղադրիչները և դնել ջեռոցը: Եվ 20 րոպե անց ձվով և ծաղկակաղամբով ջեռեփուկն իր բույրով բոլորին սեղանի մոտ կկանչի:
Կարող եք ըստ ձեր նախընտրության վերցնել համեմունքները, ավելացնել ավելի շատ բանջարեղեն, բայց եթե դրանք շատ խոնավություն կտան, հարկավոր կլինի ավելացնել ալյուրի քանակը:
Կարող եք ավելացնել նաև պանիր:
Ծաղկակաղամբով և ձվով ջեռեփուկ. Բաղադրությունը
_Ծաղկակաղամբ 0.5 հատ
_Ձու 3 հատ
_Ձիթապտղի յուղ 2 ճաշի գդալ
_Ցորենի ալյուր 2 ճաշի գդալ
_Փխրեցուցիչ 8 գ
_Մոցարելա 100 գ
_Բուլղարական պղպեղ 0.5 հատ
_Կարագ 30 գ
_Համեմ 1 փունջ
_Քացախ 3 ճաշի գդալ
_Սխտորի փոշի 1 թեյի գդալ
_Քրքում 1 թեյի գդալ
_Չաման 0,5 թեյի գդալ
_Աղ 0,5 թեյի գդալ
_Սև պղպեղ (աղացած) 0,3 թեյի գդալ
Ծաղկակաղամբով և ձվով ջեռեփուկ. Պատրաստման եղանակը
_Կաղամբը մեջտեղից կտրել, հեռացնելով կոշտ միջուկը և կաղամբը բաժանել ծաղկաբույլերի: Լցնել ամանի մեջ և ավելացնել ջրով, որպեսզի կաղամբն ամբողջությամբ ծածկվի, քացախ ավելացնել և թող մնա 10 րոպե:
_Կաղամբը լվանալ հոսող ջրի տակ և քերել խոշոր քերիչով: Ավելացնել մանր կտրատած համեմ, աղ, պղպեղ, չաման, սխտոր, քրքում, ձիթապտղի յուղ, փխրեցուցիչ, ալյուր և կտրտած բուլղարական պղպեղ: Լավ խառնել ամբողջը:
_Ձվերը թեթևակի հարել և ավելացնել մնացած բաղադրիչներով ամանի մեջ: Լավ խառնել: Ձևամանը յուղել քսել մի փոքր կարագով: Գդալով լցնել ստացված խառնուրդը դրա մեջ և հարթեցնել:
_Թխել 250 աստիճան տաքացրած ջեռոցում 20-25 րոպե: Տաք ջեռեփուկի վրա շարել պանրի բարակ շերտեր և թող այն հալվի: Վերջում վրան ցանել մանրացված կանաչիներ:
Ծաղկակաղամբով և ձվով ջեռեփուկը պատրաստ է:
Բարի ախորժակ:
Տեսանյութ
Արտակարգ Համեղ, Արագ և Հյութեղ Աղցան Բրոկոլիով և Ծաղկակաղամբով
