Ծովատառեխով նախուտեստ սալորաչրով և ընկույզով. Նուրբ աղցան, որը յուրահատուկ համ ունի:
Նույնիսկ սովորական ու ծանոթ կերակուրները կարելի է նորովի մատուցել: Ոմանք փորձարկումներ են անում, ոմանք փորձում են կրկնել ռեստորանում համտեսածը: Հաճախ արդյունքը տարբերվում է նրանից, ինչ մենք կցանկանայինք: Ես ունեմ խոհարար ընկեր, ով հաճախ է օգտակար խորհուրդներ տալիս ինձ: Օրինակ, այս բաղադրատոմսը պարզապես հրաշալի է:
Ահրաժեշտ է միայն թեթև աղած ձուկը սալորաչրով և ընկույզով համադրել: Մարինադի համար անհրաժեշտ ևս մի քանի սովորական բաղադրիչ. և նախուտեստը պատրաստ է:
Ծովատառեխով նախուտեստ. Անհրաժեշտ բաղադրիչները
- Ծովատառեխ 2 հատ
- Սալորաչիր 10 հատ
- Ընկույզ 30 գ
- Կարմիր սոխ 1 հատ
- Դիժոնյան մանանեխ 2 թեյի գդալ
- Արևածաղկի ձեթ 2 ճաշի գդալ
- Կիտրոնի հյութ 2 ճաշի գդալ
- Մաղադանոս 20 գ
- Պղպեղի խառնուրդ` ըստ ճաշակի
Ծովատառեխով նախուտեստ. Պատրաստման եղանակը
- Ձկան միսն առանձնացնել ոսկորներից ու կեղևից և կտրել բարակ կտորներով: Կտրել սոխը կես օղակներով:
- Եթե սալորաչիրը չոր է, նախապես թրջել դրանք: Հեռացնել սերմերը և մեջտեղից կիսել:
- Ընկույզները մանրացնել դանակով և պատրաստված մթերքները լցնել ամանի մեջ:
- Ավելացնել յուղ, մանանեխ, կիտրոնի հյութ և կտրատած մաղադանոս, լավ խառնել:
- Նախուտեստը լցնել մաքուր բանկաների մեջ, ամուր փակել կափարիչը և դնել սառնարանում 5-6 ժամ: Այդ ժամանակ կարող եք մատուցել:
Ձկան այս խորտիկը հիանալի համ ունի: Բոլոր բաղադրիչները շատ ներդաշնակորեն համադրվում են, և ուտեստը զարմանալի համեղ է ստացվում: Հյուրերին անպայման կհետաքրքրի անուշահոտ ծովատառեխը, իսկ փորձելուց հետո նրանք կհիանան: Այնպես, որ խորհուրդ ենք տալիս պատրաստել կրկնակի բաժին:
Ծովատառեխով նախուտեստը պատրաստ է:
Բարի ախորժակ
Տեսանյութ
Հյութեղ ու համեղ աղցան
