Կաղամբով աղցան. Թեթև հագեցնող ուտեստ

Այս կաղամբով աղցանը հետաքրքիր է նրանով, որ պատրաստվում է երիտասարդ կաղամբով և շատերի կողմից սիրված ծովախեցգետնի ձողիկներով։

Կաղամբով աղցան. Անհրաժեշտ բաղադրիչները

_Կաղամբ 700 գր

_Պրաս սոխ 1 հատ

_Ծովախեցգետնի ձողիկներ 300 գր

_Պանիր 100 գր

Սոուսի համար

_Թթվասեր 200 գր

_Աղ 1/4 թեյի գդալ

_Չոր սխտոր 0,5 թեյի գդալ կամ ըստ ճաշակի

_Քաղցր մանանեխ 1 ճաշի գդալ

Պատրաստման եղանակը

_Կաղամբը մանր կտրատել ու ձեռքերով մի քիչ տրորել։

_Սոխը կտրատել բարակ օղակներով, խեցգետնի ձողիկները՝ մանր։

_Խառնել բոլոր բաղադրիչները:

_Քերել պանիր խոշոր քերիչով և ավելացնել աղցանին։

_Սոուսի համար խառնել բոլոր բաղադրիչները, մինչև հարթվի:

_Աղցանը հագեցնել սոուսով և անմիջապես մատուցել։

_Կարող եք ձեր աղցանին ըստ ցանկության կանաչի ավելացնել, դա էլ ավելի ինքնատիպություն կտա:

Պանրի և ծովախեցգետնի ձողիկների շնորհիվ աղցանը շատ հագեցնող է ստացվում:

Այն դյուրամարս է և հիանալի համադրվում է տարբեր կողմնակի ուտեստների, մսային և ձկան ուտեստների հետ։

Բարի ախորժակ:

Տեսանյութ

Թարմ կաղամբով աղցան