Կաղամբով նախուտեստ պատրաստելու տարբերակները շատ են: Կաղամբն ունիվերսալ բանջարեղեն է, գլխավորը այն պատրաստել կարողանալն է։
Պատրաստեք այս նախուտեստը և փորձեք ուրախացնել ձեր սիրելիներին: Մեր առաջարկած բաղադրատոմսը շատ պարզ է և արագ, և արդյունքը իդեալականորեն համակցվում է սեղանին դրված այլ ուտեստների հետ:
Մթերքների այս քանակից ստացվում է 2 հատ կես լիտրանոց բանկայով մարինադ:
Կաղամբով նախուտեստ. Բաղադրիչները
_ Կաղամբ — 1-1,2 կգ
_ Գազար — 1 միջին
_ Սխտոր — 3 պճեղ
_ Կանաչ խնձոր — 1 հատ (ցանկալի է թթու)
Մարինադի համար.
_ Ջուր — 0,5 լիտր
_ Աղ — 1 ճաշի գդալ
_ Շաքարավազ — 2 ճաշի գդալ
_ Մեխակ — 2 հատ
_ Աղացած սև պղպեղ — 0,5 թեյի գդալ
_ Բուսական յուղ առանց հոտի — 4 ճաշի գդալ
_ Խնձորի քացախ 6% — 4 ճաշի գդալ
_ Կարող եք ավելացնել դափնու տերև և բուրավետ պղպեղ (ըստ ցանկության, ես չեմ ավելացնում)
Կաղամբով նախուտեստ. Պատրաստման եղանակը
_ Մի գլուխ կաղամբը մանր կտրատել, որպեսզի կաղամբն ավելի արագ պատրաստվի, քանի որ մեծ կտորներն ավելի երկար կմարինացվեն։
_ Հում գազարը մաքրել և շերտերով կտրատել, կարող եք նաև քերել խոշոր քերիչով։
_ Կաղամբն ու գազարը խառնել իրար, հետո տեղափոխել խորը կաթսայի մեջ՝ մարինացնելու։
_ Սկսենք պատրաստել մարինադը։ Եռացրած ջրին ավելացնել աղը, շաքարավազը, ինչպես նաև աղացած սև պղպեղը։ Կարելի է ավելացնել բուրավետ պղպեղ և դափնու տերև։
_ Բաղադրիչները դնել կրակին, հասցնել եռման, դրանից հետո պահել ևս մեկուկես րոպե։
_ Լցնել բուսական յուղ և խնձորի քացախ, ավելացնել մի գլուխ սխտոր, որը կտրատված է շերտերով: Սա մարինադին համ կհաղորդի:
_ Խնձորը նույնպես շերտերով կտրատել, ավելացնել մանրացված բանջարեղենին և խառնել:
_ Լցնել մարինադը և մանրակրկիտ խառնել։
_ Կաթսան ծածկել որևէ հարմար ափսեով, վրան դնել ծանրոց, կարող եք օգտագործել մեծ ջրի շիշ:
_ Սպասեք 1 ժամ։ Դրանից հետո թթու կաղամբը պատրաստ է։ Շատ համեղ ու ախորժելի է ստացվում։
Կարելի է դնել սառնարանը մինչև սառչի։ Ավելի լավ է պահել սառնարանում ապակե տարայի մեջ։
Բարի ախորժակ:
Տեսանյութ
Մալականի թթու