Ձմռան համար պատրաստվող պահածոների շարքում իր ուրույն տեղը կունենա համեղ կանաչ աջիկան: Առաջարկում ենք պատրաստել այս հաճելի սոուսը:
Ես Զմրուխտ աջիկան պատրաստում եմ կանաչ պղպեղից: Ստացվում է շատ գեղեցիկ և օրիգինալ սոուս, որը հիանալի համադրվում է մի շարք ուտեստների հետ:
Համեղ կանաչ աջիկա Զմրուխտ. Անհրաժեշտ բաղադրիչներ
_Բուլղարական կանաչ պղպեղ, 1,5 կգ (մաքրած)
_Սխտոր 3 գլուխ
_Կծու պղպեղ 2 հատ
_Շաքար 100 գ
_Աղ 2 ճաշի գդալ
_Գինու քացախ 9% 50 մլ
Համեղ կանաչ աջիկա Զմրուխտ. Պատրաստման եղանակը
_Կտրել պղպեղը կտորներով և մանրացնել մսաղացով կամ բլենդերով:
_Կտրատել նաև կծու պղպեղը կտորներով, մաքրել սխտորը: Դրանք նույնպես մանրացնել բլենդերով:
_Խառնել բոլոր բանջարեղենները, ավելացնել աղ, շաքար, քացախ և խառնել: Թողնել ամանը սեղանին մնա 25 րոպե, այդ ընթացքում պետք է երբեմն խառնել:
_Սոուսը լցնել մաքուր և չոր բանկաների մեջ: Ամուր փակել բանկաները կափարիչներով և դնել սառնարան՝ պահելու համար:
Դուք կարող եք բանկաները դնել սառը նկուղում, ցուրտ տեղում սոուսը երկար ժամանակ կպահվի:
Նման կերպ պատրաստված աջիկան առանձնանում է վիտամինների հարուստ պարունակությամբ, քանի որ զանգվածը չի ենթարկվում ջերմային մշակման և պահպանվում են բոլոր օգտակար նյութերը:
Սոուսը հարմար է մսի եւ ձկան ուտեստների համար, շատ անուշաբույր է եւ համեղ:
Բարի ախորժակ:
Տեսանյութ
Համեղ սոուս մսային ուտեստների համար