Կանաչ բորշչ. Թեթև, հագեցնող և համեղ ապուր
Եթե ձմռանը ցանկանում եք ունենալ հարուստ կարմիր բորշչ, ապա ամռանը կանաչն է ցանկալի: Ավելի թեթև, բայց ոչ պակաս հագեցնող, այն լավ է թե տաք, թե սառը վիճակում: Թրթնջուկով ուտեստների անվանակարգում, անկասկած, հաղթում է բելառուսական կանաչ բորշչը:
Նման բորշչը պատրաստվում է երկու տեսակի մսով: Համն ավելի հավասարակշռված է, իսկ արգանակը՝ թեթև: Այս դեպքում մենք առաջարկում ենք օգտագործել թռչնի միս և խոզի լեզու: Մի խնայեք կանաչին: Իրոք, այս ուտեստում այն առանցքային դեր է խաղում: Եվ իհարկե, առանց թթվասերի դժվար է պատկերացնել:
Կանաչ բորշչ. Անհրաժեշտ բաղադրիչները
_Թրթնջուկ 1 փունջ
_Ձու 4 հատ
_Թռչնամիս 150-200 գ
_Խոզի լեզու 1 հատ
_Սոխ 1 հատ
_Կարտոֆիլ 4 հատ
_Գազար 1 հատ
_Ջուր 5 լ
_Թթվասեր՝ ըստ ճաշակի
_Սև պղպեղ (աղացած)՝ ըստ ճաշակի
_Աղ՝ ըստ ճաշակի
_Կանաչի՝ ըստ ճաշակի
Կանաչ բորշչ. Պատրաստման եղանակը
_Թռչնամիսը և մաքրված խոզի լեզուն կտրատել խորանարդներով և եփել, պարբերաբար վերցնել քափը՝ եփվելու ընթացքում: Արգանակն ավելի պարզ կստացվի:
_Այնուհետև ավելացնել մաքրված գազարն ու ամբողջական սոխը և եփել մինչև փափկի:
_Դրանից հետո քամել, բանջարեղենն այլևս պետք չի: Եփել ձուն մինչև պնդանա:
_Կարտոֆիլը մանր կտրատել և ավելացնել ապուրին: Կարտոֆիլի եփվելուց հետո, ավելացնել կտրատած ձվերը:
_Լվանալ թրթնջուկը և կտրատել: Ավելացնել բորշչին՝ պատրաստ լինելուց 5 րոպե առաջ, համեմել աղով և պղպեղով:
Ձուն պարտադիր չէ կտրատել և ավելացնել ճաշը պատրաստելու ընթացքում: Մատուցելուց անմիջապես առաջ կարելի է կիսել 2 մասի կամ հարած հում ձու ավելացնել ապուրին:
Բարի ախորժակ
Տեսանյութ
Ինչպես եփել դդումով ապուր