Կարտոֆիլի նրբաբլիթներ մսով. Դրանք միշտ լավ են ստացվում

Յուրաքանչյուր կին իր կյանքում գոնե մեկ անգամ պետք է պատրաստի կարտոֆիլի նրբաբլիթներ մսով: Այս ուտեստի տարբեր բաղադրատոմսեր կան, բայց յուրաքանչյուրն իր նրբություններն ունի: Շատ հետաքրքիր է ծանոթանալ այն տարբերակների հետ, թե ինչպես են ուրիշները պատրաստում այդ բլիթները և կատարելագործել սեփական հմտությունները:

Ամենակարևորն է` թույլ չտալ, որ կարտոֆիլը սևանա, այնպես որ հարկավոր է ամեն ինչ անել հնարավորինս արագ: Փորձեք մսով նրբաբլիթների այս բաղադրատոմսը, և դուք հաճելիորեն կզարմանաք:

Կարտոֆիլի նրբաբլիթներ մսով. Անհրաժեշտ բաղադրիչները

_Տավարի աղացած միս 200 գ

_Կարտոֆիլ 1,2 կգ

_Սոխ 2 հատ

_Ջուր 2 ճաշի գդալ

_Ցորենի ալյուր 2 ճաշի գդալ

_Թթվասեր 2 ճաշի գդալ

_Ձու 1 հատ

_Աղ՝ ըստ ճաշակի

_Սև պղպեղ (աղացած)` ըստ ճաշակի

Կարտոֆիլի նրբաբլիթներ մսով. Պատրաստման եղանակը

_Լվանալ և մաքրել կարտոֆիլը: Դրանից հետո քերեք այն մանր քերիչի վրա:

_Ավելացնել ձուն, թթվասերը, ալյուրը, մեկ սոխը՝ նույնպես քերած: Համեմել աղով և պղպեղով` ըստ ճաշակի:

_Որպեսզի աչքերը սոխից չթրջվեն, դրանք լցնել սառը ջրի մեջ և դնել սառնարանում 10 րոպեով:

_Առանձին ամանի մեջ աղացած միսը խառնել երկրորդ քերած սոխի հետ: Լցնել ջուրը, համեմել աղով և պղպեղով:

_Տաքացնել յուղը տապակի մեջ: Կարտոֆիլի խմորը գդալով լցնել նրբաբլիթների նման: Տապակել դրանք մի կողմից, իսկ աղացած միսը լցնել վրան:

_Աղացած միսը ծածկել հում կարտոֆիլի զանգվածի երկրորդ մասով և շրջել, տապակել, մինչև ոսկեգույն դառնա

_Ծածկել կափարիչով, կրակը թուլացնել և շոգեխաշել 10 րոպե:

Թարմ պատրաստված կարտոֆիլի նրբաբլիթներն ունեն աներևակայելի համ ու բույր, ուստի ամենալավն է այն ուտել տաք վիճակում: Ցավոք, տաքացնելուց հետո ուտեստն այնքան էլ համեղ չի լինում:

Բլիթները մատուցել թթվասերով կամ կարագով:

Կարտոֆիլի նրբաբլիթները մսով պատրաստ են:

Բարի ախորժակ:

Տեսանյութ

Համեղ ալադիներ՝ արագ նախաճաշի համար