Ներկայացնում ենք թեթև, հագեցնող կարտոֆիլով աղցանի բաղադրատոմս, այն հիանալի է և նախաճաշի, և ընթրիքի համար:
Կարտոֆիլով աղցան. Անհրաժեշտ բաղադրիչները
_Կարտոֆիլ (ցանկալի է փոքր) 400 գր
_Թթու վարունգ 5 հատ
_Լորի ձու 10 հատ
_Սամիթ 5 ճյուղ
_Սոխի 10 ճյուղ
_Մայոնեզ 3 ճաշի գդալ
_Ձիթայուղ 3 ճաշի գդալ
_Կիտրոնի հյութ 1 ճաշի գդալ
_Մանանեխ 1 թեյի գդալ
_Շաքարավազ 1/2 թ/գդ
_Աղացած սև պղպեղ
_Աղ՝ ըստ ճաշակի
Կարտոֆիլով աղցան. Պատրաստման եղանակը
_Լվանալ կարտոֆիլը, դնել եռացող, աղ արած ջրով կաթսայի մեջ և եփել մինչև պատրաստ լինի և թողնել սառչի։
_Լորի ձվերը լցնել սառը ջրի մեջ, եռալուց հետո եփել 4 րոպե։
_Լվանալ սառը ջրով և թողնել սառչի։
_Կարտոֆիլը մաքրել և կտրատել։ Ձվերը զգուշորեն մաքրել և մեջտեղից կիսել։
_Սոխն ու թթու վարունգը մանր կտրատել և աղցանի ամանի մեջ խառնել կարտոֆիլի և ձվի հետ:
_Մի ամանի մեջ հարել մանանեխը, կիտրոնի հյութը, շաքարավազը, ձիթապտղի յուղը, պղպեղը և աղը։
_Ստացված սոուսը լցնել աղցանի վրա և խառնել, թողնել 30 րոպե, որպեսզի լավ թրմվի։
_Սամիթի ճյուղերը մանր կտրատել և խառնել մայոնեզի հետ, մի քիչ աղ ավելացնել։
_Աղցանը լցնել ափսեների վրա, ավելացնել մայոնեզ և մատուցել։
Բարի ախորժակ:
Տեսանյութ
Կարտոֆիլով աղցան
