Կարտոֆիլով կոտլետներ. Արագ պատրաստվող, դյուրամարս կերակուր

Կարտոֆիլով սովորական խավարտի փոխարեն ես հիմա կարտոֆիլով կոտլետներ եմ պատրաստում։

Դրա վրա շատ ժամանակ չեմ ծախսում, բայց արդյունքը գոհացնում է ողջ ընտանիքին: Ավելին, նման ուտեստ պատրաստելու համար կարելի է երեկվանից մնացած կարտոֆիլի խյուսը վերցնել։ Համոզված եմ, որ ոչ մի տնային տնտեսուհի չի սիրում դեն նետել սնունդը։

Ազատորեն միացրեք ձեր երևակայությունը և փորձարկեք բաղադրիչները: Ես ցույց կտամ, թե ինչպես պատրաստել եգիպտացորենով կոտլետներ: Բայց դրա փոխարեն կամ ի լրումն, կարող եք օգտագործել ոլոռ կամ բանջարեղենի խառնուրդ, որը վաճառվում է սառեցված վիճակում։ Իսկ թունա պահածոն, իհարկե, կարելի է փոխարինել ցանկացած այլ պահածոյով։

Կարտոֆիլով կոտլետներ. Անհրաժեշտ բաղադրիչներ

_Կարտոֆիլ 600 գ

_Գազար 1 հատ

_Պահածոյացված եգիպտացորեն 150 գ

_Պահածոյացված թունա 150 գ

_Չիլի պղպեղ 1 թեյի գդալ

_Կանաչ սոխ 3 հատ

_Քնջութ՝ ըստ ճաշակի

_Արևածաղկի ձեթ՝ ըստ ճաշակի

Կարտոֆիլով կոտլետներ. Պատրաստման եղանակը

_Կարտոֆիլն ու գազարը մաքրել և խոշոր կտրատել։ Բանջարեղենը լցնել ջրի մեջ, աղ անել և եփել մինչև փափկի: Այնուհետեւ տրորել դրանք, մինչև խյուսի աստիճան:

_Կարտոֆիլ-գազար զանգվածին ավելացնել եգիպտացորենն ու թունայի պահածոն, խառնել։

_Կտրատել կանաչ սոխը և դնել ամանի մեջ՝ չիլի պղպեղի հետ միասին: Նորից լավ խառնել։

_Ջեռոցի տապակը յուղել բուսայուղով և կոտլետները դնել վրա կլոր ձևի օգնությամբ:

_Շաղ տալ դրանց վրա քնջութի սերմեր և թխել 15 րոպե 180 °C ջերմաստիճանում:

Կարտոֆիլով կոտլետները կարելի է մատուցել տաք վիճակում կամ որպես խորտիկ:
Սա հիանալի գաղափար է նրանց համար, ովքեր ցանկանում են բազմազանեցնել իրենց սովորական ճաշացանկը:

Դուք էլ կիսվեք ձեր նախընտրած բաղադրատոմսերով:

Բարի ախորժակ

Տեսանյութ