Կարտոֆիլով չիպսեր. Ձեր փոքրիկներին մի զրկեք համով խրթխրթացնելու հաճույքից
Չիպսերը շատերի համար անդիմադրելի գայթակղություն են: Դրանք փխրուն են, կծու, բուրավետ և համեղ այնքան, որ մատներդ հետը կուտեք: Էլ չենք ասում, երեխաները խենթանում են չիպսերի համար:
Այս հանրաճանաչ խորտիկի վնասը նվազեցնելու համար մենք առաջարկում ենք պատրաստել չիպսեր տանը՝ ջեռոցում: Հավատացեք, դրանք նույնիսկ ավելի համեղ կլինեն, քան խանութից գնվածները: Կարող եք ավելացնել ցանկացած համեմունք, ինչպես օրինակ՝ պապրիկան:
Տնական չիպսերը հատկապես անուշաբույր են, երբ դուք ավելացնում եք իտալական համեմունքները: Այս եղանակով կարտոֆիլ պատրաստելու գործընթացը իսկական հաճույք է շփվող մարդկանց համար, ում հաճախ են հյուր գալիս ընկերները:
Կարտոֆիլով չիպսեր. Անհրաժեշտ բաղադրիիչները
- Կարտոֆիլ 4 հատ
- Աղ 1 պտղունց
- Ձիթապտղի յուղ 2 ճաշի գդալ
- Իտալական համեմունքներ 1 ճաշի գդալ
Կարտոֆիլով չիպսեր. Պատրաստման եղանակը
- Կարտոֆիլը մանրակրկիտ լվանալ խոզանակով: Օգտագործելով բանջարեղենը կեղևահան անելու դանակ՝ կտրեք բարակ շերտեր:
- Կարտոֆիլի շերտերը տեղափոխել խորը ամանի մեջ, ցողել ձիթապտղի յուղով, ցանել աղը և իտալական համեմունքները:
- Ջեռոցի տապակի վրա յուղաթուղթ փռել (եթե մակերեսը կպչուն չէ, կարող եք սա բաց թողնել), կարտոֆիլը վրան շարել մեկ շերտով:
- Թխել 180-200 աստիճան տաքացրած ջեռոցում մինչև ոսկե դարչնագույնը:
Չիպսերի համը կարող եք փոխել ըստ ձեր ցանկությունների և տրամադրության. Ամեն ինչ կախված է համեմունքների ցանկից: Ավելացրեք չոր սխտոր, պապրիկա կամ քերած պարմեզան` յուրահատուկ համ ստանալու համար:
Եվ նկատեք՝ ոչ մի քիմիա:
Կարտոֆիլով չիպսերը պատրաստ են:
Բարի ախորժակ
Տեսանյութ
Տապակած կարտոֆիլ ջեռոցում
