Մազուրկան լեհական ազգային քաղցրավենիք է, այս կեքսը պատրաստվում է հիմնականում Զատկի տոնի համար: Աղանդերը հագեցված է ընկույզով և չորացրած մրգերով, իսկ վերևում այն զարդարվում է ջեմով, գլազուրով կամ կրեմով:
Նույնիսկ Լեհաստանում կան Մազուրկա կեքս պատրաստելու շատ տարբերակներ: Իհարկե, որքան հեռու է պատմական հայրենիքը, այնքան ավելի շատ փոփոխություններ կարող են առաջանալ բնօրինակ բաղադրատոմսում: Ուստի մենք նույնպես առաջարկում ենք չոր մրգերով և ընկույզներով Մազուրկա կեքսի պատրաստման եղանակ: Պատրաստման եղանակը շատ պարզ է, իսկ արդյունքն ուղղակի հիանալի է:
Կեքս Մազուրկա. Բաղադրիչները
_Սալորաչիր 0,5 բաժակ
_Չորացրած ծիրան 0,5 բաժակ
_Չամիչ 0,5 բաժակ
_Ընկույզ 1 բաժակ
_Ձու 3 հատ
_Ցորենի ալյուր 1 բաժակ
_Շաքարավազ 1 բաժակ
_Մարգարին 100 գր.
_Մեղր 2 ճաշի գդալ
Կեքս Մազուրկա. Պատրաստման եղանակը
_Չորացրած մրգերը մանր կտորներով կտրել, չամիչները լվանալ և չորացնել: Հարմար չափերի մանրացնել ընկույզը:
_Ձվերը հարել շաքարավազի հետ, մինչև հարթ զանգված ստացվի: Խառնելու ընթացքում զգուշորեն, մաս առ մաս ավելացնել ալյուրը:
_Հանգցնել սոդան քացախով և ավելացնել խմորին: Հալեցնել մարգարինը, մի քիչ սառեցնել և լցնել այն մնացած բաղադրիչների վրա, ավելացնել նաև կիտրոնի հյութը և մեղրը: Լավ խառնել ամենը:
_Խմորի մեջ լցնել պատրաստված ընկույզը և չորացրած մրգերը, լավ խառնել:
_Ջեռոցի տապակը ծածկել մագաղաթով և յուղել այն: Դրա վրա լցնել խմորը չորացրած մրգերով և ընկույզով, եթե հարկ կա` հարթեցնել բահիկով:
_Թխել դեսերտը 35 րոպե 150-160 °C ջերմաստիճանում, մինչև առաջանա վարդագույն կեղև:
_Կարելի է մատուցել անուշաբույր Մազուրկա կեքսն ինչպես տաք, այնպես էլ սառը վիճակում:
Փորձեք խմորին ավելացնել այլ չորացրած մրգեր` չորացրած խնձոր, տանձ կամ լոռամիրգ: Կեքսի վերևի մասը ցանկության դեպքում, զարդարել փոշի շաքարով կամ կրեմով:
Կեքս Մազուրկան պատրաստ է:
Բարի ախորժակ:
