Անպայման ձմռան համար պահածոյացրեք Կծու պղպեղը լոլիկով: Այս նախուտեստը հարմար կլինի թե մսեղենի, թե բանջարեղենային ուտեստների հետ մատուցելու համար: Անպայման պատրաստեք մի քանի բանկա, քանի դեռ սեզոնն է:
Շատ կծու խորտիկ!
Կծու պղպեղը լոլիկով. Բաղադրիչներ
_ Կծու պղպեղ (պատիճներ) 1 կգ
_ Լոլիկ 2 կգ
_ Մաղադանոս 1 փունջ
_ Սխտոր 100 գ
_ Շաքարավազ 200 գ
_ Զտված արևածաղկի ձեթ 200 գ
_ Քարաղ 2 թեյի գդալ
_ Աղացած սև պղպեղ 1 պտղունց՝ ըստ ցանկության
_ Քացախ 9% 50 մլ
Կծու պղպեղը լոլիկով. Պատրաստման եղանակը
Պատրաստման համար ձեզ պետք կլինի 20-30 րոպե:
Սկսենք պատրաստել: Ի դեպ, ես սև աղացած պղպեղ չեմ ավելացրել, ինքներդ որոշեք ըստ ձեր պղպեղի կծվության։ Ինչ վերաբերում է իմ դեպքին՝ դրանք բավականին բուրավետ և կծու էին:
_ Լոլիկը խյուս անել, լցնել խորը էմալապատ կաթսայի մեջ։
_ Դնել կրակին, ավելացնել աղ, շաքարավազ և եփել եռման պահից՝ 10 րոպե։
_ Սխտորը կտրատել շերտերով։
_ Լվանալ կծու պղպեղը և յուրաքանչյուր պատիճի վրա չոփիկով փոքրիկ անցք անել։
_ Կաթսայի մեջ լցված լոլիկին ավելացնել կծու պղպեղ, սխտոր, մաղադանոս, բուսայուղ, քացախ։
_ Եռման պահից՝ եփել ևս 10 րոպե և խորտիկը պատրաստ է։
_Այժմ վերցրեք նախապես մանրէազերծված բանկաներ: Դրանց մեջ դնել կծու պղպեղը, առանց սեղմելու և ոչ մինչև վերջ: Այս մթերքներով ստացվեց 2 հատ լիտրանոց բանկա:
_ Դրանք մինչև վերջ լցնել կծու տոմատի սոուսով:
_ Այժմ ամուր փակել կափարիչներով, շրջել գլխիվայր և թողնել, որ ամբողջովին սառչի։
Պահել խորտիկը նկուղում կամ մառանում:
Պատրաստ է:
Բարի ախորժակ:
