Կաղամբով Կորեական աղցանի բաղադրատոմսը ամենապարզ և ամենաարագն է: Ստացվում է հաճելի կծու նոտայով, օրիգինալ է, ուղղակի կատարյալ՝ մսամթերքի և ձկան ուտեստների համար:
Ես ավելի համեղ աղցան չեմ ճաշակել:
Կորեական աղցան. Անհրաժեշտ բաղադրիչները
_Կաղամբ 600 գր
_Սոխ 1 հատ
_Գազար 1 հատ
_Սխտոր 2 պճեղ
_Աղ՝ ըստ ճաշակի
_Շաքարավազ 1 ճաշի գդալ
_Բուսական յուղ 4 ճաշի գդալ
_Քացախ 6% 2 ճաշի գդալ
_Համեմ 1 թեյի գդալ
_Պղպեղ՝ ըստ ճաշակի
Կորեական աղցան. Պատրաստման եղանակը
_Ընտրել հյութալի կաղամբ, բարակ և կոկիկ կտրատել:
_Քերել գազարը կորեական գազարի քերիչով, կտրել սոխը բարակ կիսաօղակներով:
_Սոխը տապակել բուսական յուղի մեջ՝ մինչև բաց ոսկե դարչնագույն:
_Մանրացնել համեմը, սխտորը մանր կտրատել կամ քերել քերիչով:
_Կաղամբը գազարով խառնել, համեմել աղով, շաքարով, քացախով:
_Աղցանի վրա լցնել սխտորը, պղպեղը և համեմը, լցնել տաք սոխեռածը և խառնել աղցանը:
_Ծածկել կափարիչով և աղցանով ամանը դնել սառնարանը մի քանի ժամով, կամ ավելի լավ է՝ ամբողջ գիշեր:
_Ընթացքում մի քանի անգամ ևս խառնել, որպեսզի կաղամբը լավ մարինացվի:
Դուք անպայման կգնահատեք աղցանը, այն ստացվում է անուշաբույր, հյութալի և թեթև:
Բարի ախորժակ:
Տեսանյութ
Թարմ կաղամբով աղցան