Աղացած մսով հագեցնող ապուր կարող եք պատրաստել թեկուզ ամեն օր: Ապուրները հագեցնում են ու էներգիա տալիս ողջ օրվա համար:
Հին Չինաստանում ապուրները սկսել են եփել մեր դարաշրջանից առաջ: Նրանք եվրոպացիներից մի փոքր շուտ հորինել են հեղուկ ուտեստների համար հարմար ամանեղեն։
Այժմ հայտնի են բազմաթիվ տարբեր տեսակի ապուրներ՝ սառը և տաք, բանջարեղենային, մսով և ձկով։
Այսօր ուզում ենք խոսել աղացած մսով ապուր պատրաստելու եղանակի մասին։
Աղացած մսով հագեցնող ապուր. Բաղադրիչները
_սոխ — 2 հատ
_մակարոնեղեն — 30 գ
_գազար — 1 հատ
_կարտոֆիլ — 3 հատ
_կարմիր պղպեղ — 1 թեյի գդալ
_ջուր — 2 լիտր
_աղացած սև պղպեղ — ½ թեյի գդալ
_աղ — 2 թեյի գդալ
_լոլիկ — 1 հատ
_կարմիր պղպեղ — 1 հատ
_սխտոր — 2 պճեղ
_աղացած միս — 400 գ
Աղացած մսով հագեցնող ապուր. Պատրաստման եղանակը
_Սոխը պետք է կտրատել քառորդ օղակներով և տապակել կաթսայի մեջ՝ քիչ քանակությամբ բուսական յուղով։
_Քանի դեռ սոխը տապակվում է, գազարը կտրատել քառորդ մասերով, նույնպես լցնել թավայի մեջ։
_Մաքրած կարտոֆիլը կտրատել փոքր խորանարդիկներով, լցնել կաթսայի մեջ։
_Բանջարեղենի վրա լցնել ջուր, ավելացնել աղ (թեյի գդալ) և ծածկել կափարիչով։
_Ապուրը 20 րոպե եփել մարմանդ կրակի վրա։
_Այդ ընթացքում անհրաժեշտ է նույն կերպ կտրատել երկրորդ սոխը և տապակել թավայի մեջ մինչև փափկի:
_Կարմիր պղպեղը մաքրել, մանր խորանարդիկներով կտրատել և տապակի մեջ լցնել սոխի վրա։
_Աղացած միսը ճզմած սխտորի հետ լցնել սոխի ու պղպեղի վրա։
_Մինչ աղացած միսը տապակվում է, հեռացնել լոլիկի կեղևը և մանր կտրատել։
_Աղացած միսը տապակելուց հետո զանգվածի վրա լցնել լոլիկը, խառնել բաղադրիչները։
_Մսային միջուկին ավելացնել նաև աղ, աղացած սև պղպեղ և կարմիր պղպեղ։
_Պատրաստի զանգվածը լցնել ապուրի մեջ, խառնել։
_Մակարոնեղենը լցնել ապուրի մեջ, եփել կափարիչի տակ՝ չափավոր ջերմության վրա, 15 րոպե։
Այս ապուրին կարելի է եփելուց հետո ավելացնել մանր կտրատած կանաչիները՝ մաղադանոսն ու սամիթը։
Սա շատ լավ ապուրի տարբերակ է, եթե տանը կա աղացած միս։
Բարի ախորժակ:
Տեսանյութ
Ավելուկով ապուր