Հալած պանիր առավել համեղ բաղադրատոմսով. Տնային պայմաններում պատրաստեք սա և օրվա ընթացքում թեթև նախուտեստի հարցը կլուծվի:
Ինձ շատ դուր է գալիս այս պանիրը` այն շատ արագ է եփվում և համը հիանալի է: Դուք կարող եք ավելացնել ըստ ճաշակի կանաչներ, սունկ, համեմունքներ: Բայց նախ, փորձեք այս պանիրը հենց այդպես, և միայն դրանից հետո որոշեք` որևէ բան ավելացնել և լրացնել դրա համը, թե ոչ:
Դուք կարող եք պանիրն անմիջապես քսել հացի վրա, իսկ երբ այն որոշ ժամանակ մնա սառնարանում, կարող եք նույնիսկ կտրել: Շատ համեղ է: Բոլորին խորհուրդ եմ տալիս պատրաստել, ուրախ կլինեմ, եթե այս բաղադրատոմսն օգտակար լինի որևէ մեկին:
Содержание
Հալած պանիր առավել համեղ բաղադրատոմսով. Բաղադրությունը.
- 400 գրամ կաթնաշոռ
- 2 ձու
- 100 գրամ կարագ
- սոդա 1 թեյի գդալ
- աղ ըստ ճաշակի
Հալած պանիր առավել համեղ բաղադրատոմսով. Պատրաստման եղանակը քայլ առ քայլ
- Տրորել կաթնաշոռը, այն կարելի է հարել բլենդերով, կամ անցկացնել մսաղացով:
- Անմիջապես դնել կաթնաշոռը կաթսայի մեջ, ավելացնել ձուն, խառնել: Ավելացնել սոդան, կարագը և դնել կրակի վրա:
- Կրակը պետք է լինի մարմանդ, և այժմ անընդհատ խառնելով, եփել պանիրը 13-15 րոպե: Այրվելուց խուսափելու համար լավ կլինի պանիրը պատրաստել ջրային բաղնիքի վրա:
- Այնուհետև ավելացնել աղը` ըստ ճաշակի, և ըստ ցանկության կանաչի և այլն:
- Լցնել պանրի զանգվածը տարայի մեջ և թող սառչի:
- Ընդամենը 15 րոպե և տնական հալած պանիր կարելի է պատրաստել պարզ և արագ:
Հալած պանիրը պատրաստ է:
Բարի ախորժակ:
Տեսանյութ
Տապակած պանիր
