Հալած տնական պանիր. Հագեցնող նրբահամ նախաճաշ

Մեր առաջարկած բաղադրատոմսով հալած տնական պանիրը հենց այն բարձրորակ մթերքն է, որից չես կարող հրաժարվել։

Հալած տնական պանիր. Անհրաժեշտ բաղադրիչները

_Կաթնաշոռ 500 գր

_Բարձրորակ կարագ 60 գր

_Աղ 0,5 թեյի գդալ

_Սոդա 0,5 թեյի գդալ

_Ձու 1 հատ

_Սամիթ՝ ըստ ցանկության

Հալած տնական պանիր. Պատրաստման եղանակը

_Կաթնաշոռը բլենդերի օգնությամբ հարել մինչև հարթվի։

_Եթե չկա տնական կաթնաշոռ, ընտեք ամենայուղալին կամ պատրաստեք կաթնաշոռ խանութից գնված յուղալի կաթով:

_Կաթնաշոռը հալեցնելու համար ավելի արդյունավետ է չժանգոտվող սպասք վերցնել։

_Կաթնաշոռը լցնել կաթսայի մեջ և ավելացնել մնացած բաղադրիչները, բացի կարագից և սամիթից։

_Ամեն ինչ լավ խառնել։

_Կրակն իջեցնել նվազագույն չափի և անընդհատ խառնել զանգվածը։

_Մի քանի րոպե անց կաթնաշոռը սկսի հալվել՝ զանգվածը խառնելն ավելի հեշտ կլինի։

_Երբ զանգվածը մածուցիկ դառնա, ավելացնել կարագը և լավ խառնել, մինչև համասեռ լինի։

_Հասցնել եռման աստիճանի և անջատել կրակը։

_Այժմ կարելի է ավելացնել մանր կտրատած սամիթը, այլ կանաչիներ, կարելի է չորացրած կանաչիներ և համեմունքներ լցնել, բանջարեղենի կտորներ, սխտոր և ցանկացած հավելում ըստ ցանկության:

_Զանգվածը տեղափոխել տարայի մեջ, սառեցնել և դնել սառնարանը։

Պանրի պատրաստման գործընթացը տևում է ոչ ավելի, քան 10 րոպե, ամեն ինչ կախված է կաթնաշոռի ծավալից։

Բարի ախորժակ:

Տեսանյութ

Տնական մայոնեզ