Համեղ աղցան ընկույզով և սալորաչրով. Այս աղցանը պատրաստելու համար շատ բաղադրիչներ պետք չեն։
Այս բաղադրատոմսով նախուտեստը հեշտ պատրաստվող «աղջկական» ուտեստ է, որը կարելի է նույնիսկ գիշերվա համար պատրաստել, մանավանդ որ անհրաժեշտ բոլոր մթերքները դուք կգտնեք արդեն սառնարանում: Գլխավորը աղցանին դիետիկ մայոնեզ ավելացնելն է։
Եկեք փորձենք պատրաստել այն:
Համեղ աղցան ընկույզով և սալորաչրով. Անհրաժեշտ բաղադրիչները
_ Կարտոֆիլ 4 հատ
_ Հավի կրծքամիս 2 հատ
_ Սալորաչիր 100 գ
_ Ընկույզ ըստ ճաշակի
_ Թթվասեր 3 ճաշի գդալ
_ Մայոնեզ 3 ճաշի գդալ
_ Սխտոր 1 պճեղ
_ Սև պղպեղ (աղացած) ըստ ճաշակի
_ Աղ՝ ըստ ճաշակի
Համեղ աղցան ընկույզով և սալորաչրով. Պատրաստման եղանակը
_ Թթվասերն ու մայոնեզը խառնել ամանի մեջ։ Իհարկե, կարելի է օգտագործել միայն թթվասեր, բայց հետո համն այնքան էլ հարուստ չի լինի։
_ Ավելացնել այս խառնուրդի մեջ մանրացված սխտորն ու աղացած սև պղպեղը:
_ Կարտոֆիլն ու հավի կրծքամիսն առանձին- առանձին եփել աղ արած ջրի մեջ։
_ Կարտոֆիլը քերել խոշոր քերիչով, դրա մի մասն առաջին շերտով շարել ափսեի վրա, վրան քսել սոուս։
_ Հավի կրծքամիսը բաժանել մանրաթելերի, բաժանել երկու մասի։
_ Սոուսով կարտոֆիլի վրա դնել հավի մսի մի մասը, վրան սոուս քսել:
_ Սալորաչիրը մանր կտրատել։ Եթե կոշտ է, նախ թրջեք ջրի մեջ։ Սալորաչիրը դնել հավի վրա, վրան քսել սոուս։
_ Այժմ, կրկնել շերտերը մնացած մթերքներով: Վերջին շերտին քսել սոուս, վրան առատորեն ցանել մանրացված ընկույզ։ Աղցանը դնել սառնարանում առնվազն 30 րոպե։
Լավ կլինի, եթե առավոտյան աղցանը պատրաստեք ու ամբողջ օրը դնեք սառնարանում։ Այս ընթացքում նա հասցնում է ներծծվել, դառնում է ավելի քնքուշ ու փափուկ։
Բարի ախորժակ:
Տեսանյութ
Հավի մսով և սմբուկով աղցան