Համեղ միս. Եփեք մեր առաջարկած բաղադրատոմսով, որ այն շատ նուրբ ստացվի: Հիմա մենք կպատմենք, թե ինչպես համեղ և պարզ պատրաստել միսը: Փորձեք մեր առաջարկած բաղադրատոմսը, որը երբ առաջին անգամ համտեսեցի, ինձ շատ դուր եկավ:
Բաղադրատոմսը խնդրեցի, որ հետագայում միսը պատրաստեմ միայն ըստ դրա: Ստացվում է շատ քնքուշ, անուշաբույր և հեշտությամբ կտրվող: Ինչու գնել խանութում, եթե կարող եք տանը շատ համեղ միս պատրաստել:
Նման կերպ պատրաստվող մսի հետ հիանալի համադրվում է պղպեղից պատրաստված կծու սոուսը: Դուք կարող եք այն մատուցել ծովաբողկով, մանանեխով կամ կետչուպով: Փորձեք և հաստատ չեք ափսոսի:
Համեղ միս. Բաղադրությունը
_30 գրամ թարմ կոճապղպեղ
_1 կգ միս
_1 լիտր ջուր
_աղ 60 գր
_25 գր շաքարավազ
_1 գլուխ սխտոր
_համեմունքներ ըստ ցանկության:
Համեղ միս. Քայլ առ քայլ բաղադրատոմս
_Վերցնել մեծ կաթսա, դրա մեջ լցնել սառը ջուր:
_Աղը և շաքարավազը ավելացնել ջրի կաթսայի մեջ: Կաթսան դնել կրակին, թողնել, որ պարունակվող ջուրը եռման հասնի:
_Հենց ջուրը եռա, սխտորի պճեղները հենց կեղևով գցել կաթսայի մեջ: Եռացրեք ևս երեք րոպե:
_Այնուհետև կաթսայի ջրի մեջ ենք գցում դափնու տերևը, համեմի սերմը, պղպեղի հատիկները, խնկունի և մշկընկույզ: Կարելի է ավելացնել մանանեխի սերմեր: Կարող եք ավելացնել ձեր նախընտրած համեմունքները: Եռացրեք ևս երեք րոպե:
_Այժմ վերցնում ենք միսը և ընկղմում այն տաք մարինադում: Կաթսայի պարունակությունը հասցրեք եռման բարձր ջերմության վրա: Դրանից հետո կրճատեք ջերմությունը միջին չափի և եփեք միսը մարինադում 20 րոպե:
_Այնուհետև հեռացրեք տապակը կրակից: Կափարիչով ծածկված կաթսան փաթաթել տաք ծածկոցի մեջ: Թողեք 12-15 ժամ:
_Միսը մարինադից հանել, փաթաթել փայլաթիթեղի մեջ: Ստացվածը դնում ենք սառնարանում մեկ ժամով:
_Այս կերպ Դուք կարող եք պատրաստել հավի կամ հնդկահավի ֆիլե: Թռչնամսի դեպքում անհրաժեշտ է պատրաստել 10-15 րոպե: Եվ թողնել մարինադի մեջ 4-6 ժամ:
Տեսանյութ
Անչափ Համեղ Տավարի Բուժենինա․ Հիացրեք և զարմացրեք ձեր հյուրերին
Բարի ախորժակ:
