Համեղ սենդվիչներ պատրաստելու դրական կողմն այն է, որ դրանց համար գրեթե ժամանակ պետք չէ, եթե քսուկը արդեն սառնարանում է:
Սենդվիչներն ամենահայտնի խորտիկներից են: Ավելին, սրանք հայտնի են մարդկությանն արդեն ավելի քան 2000 տարի: Բանն այն է, որ մսի, պանրի, բանջարեղենի և մրգերի տարբեր կտորներ հացի վրա դնելը սկսել են դեռևս հին ժամանակներում։ Ավելի ճիշտ՝ մարդիկ ուղղակի խնայում էին ուտելիքը, ուստի սեղանին մնացած ուտելիքի մնացորդներն ուտում էին հացի հետ։
20-րդ դարում սենդվիչների ստեղծումը վերածվեց հսկայական գաստրոնոմիական մշակույթի։ Սկսեցին հայտնվել տարբեր տեսակի սենդվիչներ։
Կարելի է բավականին երկար խոսել սենդվիչների տարբեր մշակումների մասին, բայց ավելի լավ է անցնենք նախաճաշի համար համեղ խորտիկներից մեկը պատրատելուն։
Համեղ սենդվիչներ. Բաղադրիչները
_ ձողաձկան լյարդ — 120 գ
_ բոքոն — 6 շերտ
_ հավի ձու — 2 հատ
_ մայոնեզ — 1 ճաշի գդալ
_ կանաչ սոխ — մի փունջ
_ սխտոր — 2 պճեղ
_ հալված պանիր — 1 հատ
Համեղ սենդվիչներ. Պատրաստման եղանակը
_ Պինդ խաշել ձվերը, տրորել ձողաձկան լյարդը մինչև շիլայի նման վիճակ լինի։
_ Խաշած ձվերը մանրացնել քերիչով և լցնել լյարդով ամանի մեջ:
_ Պանիրը քերել մանր քերիչով, ավելացնել ձվերին ու լյարդին։
_ Կանաչ սոխը մանր կտրատել, սխտորի պճեղներն անցկացնել ճզմիչով։
_ Երկու մթերքն էլ լցնել ընդհանուր ամանի մեջ և լավ խառնել։
_ Զանգվածի վրա լցնել մայոնեզ և նորից խառնել։
Խառնուրդը հավասար շերտով քսել հացի յուրաքանչյուր կտորի վրա։ Ցանկության դեպքում հացը կարելի է տապակել թավայի մեջ։ Այնուամենայնիվ, նույնիսկ առանց այս տեխնիկայի, ստացվում է համեղ և հագեցնող սենդվիչ:
Բարի ախորժակ:
Տեսանյութ
Աղցան Հալապենյո
