Համեղ սմբուկ. Արևահամ պահածո ձմռան համար: Այս համեղ սմբուկի պահածոն ձմռան համար պատրաստելով դուք կունենաք ավելի հաճելի արդյունքներ, քան պատկերցնում էիք: Գերազանց տարբերակ է, որը նորություն կլինի, քանի որ սա ընտանեկան բաղադրատոմս է և լայն տարածում չի ունեցել:
Այնպես որ, երկար բարակ չենք մտածում և սկսում ենք պատրաստել այս բաղադրատոմսով, ստացվում է շատ համեղ ու հագեցնող նախուտեստ, որը դուր կգա բոլորին, ովքեր կհամտեսեն այն: Սմբուկն այնքան համեղ է ստացվում, որ մատներդ հետը կուտեք:
Ձմռանը միշտ տոն է, երբ մենք բացում ենք հերթական բանկան: Եթե դեռ չեք հավատում, ապա անցեք գործի, փորձեք պատրաստել և համոզվեք ինքներդ:
Համեղ սմբուկ. Բաղադրիչներ
- սմբուկ 2 կգ
- տոմատի սոուս 800 գր
- սխտոր 150 գր
- արևածաղկի ձեթ 1 բաժակ
- շաքար 1,5 բաժակ
- քացախ 9% 3 ճաշի գդալ
- աղ 2 ճաշի գդալ
- բուլղարական պղպեղ 12 հատ;
- մի փունջ մաղադանոս
Համեղ սմբուկ. Պատրաստման եղանակը, քայլ առ քայլ բաղադրատոմս
- Նոսրացնել տոմատի սոուսը (կարող եք վերցնել նաև քերած լոլիկ) ջրով` մինչև 3 լիտր լոլիկի հյութ ստացվի:
- Այժմ հյութին ավելացնել արևածաղկի յուղը, աղը, շաքարը և քացախը:
- Կտրել սմբուկները մեջտեղից երկարությամբ, ապա կտրեք դրանք կես շրջանակներով:
- Շատ մանր կտրատեք սխտորը, մաքրելը և կտրել շերտերով բուլղարական պղպեղը:
- Լոլիկի հյութը լցնել կաթսայի մեջ, ավելացնել բանջարեղենը, սխտորը, մաղադանոսը և եռացնել 35-40 րոպե, եփ գալուց հետո:
- Պատրաստի ուտեստը տաք վիճակում լցնել ստերիլիզացված բանկաների մեջ և ամուր փակել կափարիչներով:
- Համեղ սմբուկները ձմռանը շատ մեծ հաճույք կպատճառեն ձեզ, դրանք լավ են պահվում, կարող եք պահել տան մառանում, կամ պատշգամբում:
Համեղ սմբուկը պատրաստ է:
Բարի ախորժակ: